Celebramos la Navidá

Ayer, últimu día d'escuela enantes de les merecíes vacaciones, tuvimos faciendo delles actividaes navidiegues bien prestoses. A primer hora fuimos a ver al Campal el nacimientu que Pepe, el nuesu vecín, fixera y nos convidara a dir esfrutar en compañía de les families y vecinos. Depués al llegar a la escuela tuvimos con Janco, un cuentacuentos que nos tuvo una hora cola boca abierta y les oreyes bien atentes. Darréu Lorena, la maestra d'infantil y coordinadora del nuesu proyeutu de reciclaxe, púnxonos unos curtiometraxes bien simpáticos pero con munchu mensaxe pa cola ecoloxía pa dempués facer unos adornos navidiegos con material recicláu. Acabantes de facer estes actividaes llegó una sorpresa bien prestosa a la escuela... ¡¡Papá Noel!! Que-yos traxo un regalín a tolos nen@s y nos fixo de secretariu pa entregar los premios a los másimos llectores y ganaores del concursu de postales. Cuando Papá Noel marchó, les families, los neñ@s y los maestr@s esfrutamos xuntos d'una chocolatada y llambionaes navidiegues. Equí vos dexamos un vídiu coles semeyes de la xornada y aprovechamos pa deseyavos dende equí... ¡¡Mui felices fiestes y prósperu añu 2019!!

¡Patinando en xelu!

Esta mañana tuvimos faciendo algo mui prestoso...¡¡Patinar en xelu!! Pa celebrar que yá van llegando les vacaciones y les navidaes nun se nos ocurrió nada meyor que dir a celebralo a la pista patinaxe d'Uviéu. Anque los primeros contautos fueron un poco duros y hubo algún qu'otru aterrizaxe forzosu... ¡esfrutamos muncho de la esperiencia! 

Equí vos dexamos un vídiu coles semeyes de los nuesos patinadores. ¡Qué vos presten!

Veredictu de les postales finalistes del CP Felechosa

Ayer vos cuntábemos que tamos faciendo un Concursu de Postales de Navidá col CRA Lena y espublizábemos les postales finalistes de los neños de Primaria d'ellí. Y hoi, tamos acabantes de recibir el veredictu del CRA con respectu a les nueses postales finalistes, quedando de la siguiente manera: 

- Primer Finalista: Laura Ordóñez de 5º

- Segundu Finalista: Fernando Tejón de 1º

- Tercer Finalista: Jesea Afino 3º

¡¡Norabona a los artistes!!

Laura O

Fernando

Jesea

Concursu Postales Navidá CP Felechosa-CRA Lena

Esti cursu, la Biblioteca de la nuesa escuela (La Morada del Chamuscal.libros) ta hermanada cola del CRA Lena, y vamos facer a lo llargo de tol cursu delles actividaes conxuntes. La primera foi un concursu de postales navidiegues. A finales de la selmana pasada recibimos un paquete con 44 postales de los neños de Primaria del CRA Lena. Espusímosles na entrada de la escuela y fueron l@ nuestr@s neñ@s los que s'encargaron de facer de xueces, votando poles sos postales preferíes, de tal mou que salieron trés finalistes. Agora tamos a la espera del so veredictu sobre les que nosotros-yos unviémos. Equí tenéis unes fotos del momentu de les votaciones. ¡Qué vos presten!

I Concursu de Postales Navidiegues

Esta mañana tuvimos l'actividá del mes d'avientu perteneciente al Proyeutu Vivencies, que facemos en colaboración cola Residencia del Montepío, que consistió nel Primer Concursu de Postales Navidiegues del mentáu proyeutu. Durante una hora ocho grupos, formaos por escolin@s y Residentes, punxéronse manes a la obra p'algamar la Postal cola qu'ambos centros felicitaremos de forma oficial les fiestes. El xuráu, formáu por miembros d'ambos centros, túvolo perdifícil pa poder escoyer a la ganadora, que nos prósimos díes espublizaremos nesti blog. Pero de momentu, dexámosvos estes fotos tan guapes de l'actividá pa dir abriendo boca. ¡Qué vos presten!

¡¡Estrenamos la cuarta R!!

Como bien sabéis toos y toes, nesta escuela tamos percomprometí@s col reciclaxe y col cuidáu del mediu ambiente, asina que, esti miércoles dempués del recréu, garremos unes cuantes bolses y fuimos dende la escuela al parque, dividíos en dos grupos, recoyendo tola basura que topábemos al nuesu pasu. Ye bien importante qu'apliquemos les 3 R (reducir, reutilizar y reciclar) pero agora, apaez una cuarta R, que casi pue ser la más importante: "Recoyer". Y ye que, ye perimportante, qu'ayudemos a recoyer tola basura qu'anda perehí tirada. Nós yá punximos en práutica esta nueva R. ¿Animáisvos? Equí tenéis unes fotos del momentu.

¡¡Buen trabajo, campeonas!!

La entrada de nuestro cole se ha convertido en un centro de exposiciones durante este trimestre y es que, después de la que tuvimos dedicada a Lucía García, nuestra vecina del Pino y jugadora en la Primera División de Fútbol Femenino, no podíamos pasar por alto hacer un pequeño homenaje a tres de nuestras compañeras que llevan varios años cosechando triunfos y éxitos en la disciplina de Gimnasia Rítmica; ellas son Julia de 2º, Laura A. y Laura O. de 5º. Desde aquí queremos dar visibilidad al deporte femenino y, por supuesto, invitaros a que vengáis a visitar la exposición. Aquí os dejamos unas fotos de muestra. ¡¡Bien hecho, chicas!!

¡Fabricamos una Estación Meteorológica!

Los alumnos y alumnas de 3º y 4º, después de haber trabajado en clase de naturales el tema del clima, han decidido hacer, ellos mismos, una serie de herramientas con las que medir el viento, la temperatura, la lluvia, la dirección del viento... y además todo ello con materiales de reciclaje. Aquí os dejamos unas fotos de su pequeña y reciclada Estación Meteorológica. ¡Buen trabajo chic@s!