Tamos yá zarrando trimestre coles caberes actividades del añu 2022 que, como nun pue ser d'otra mena, son bien navidiegues. El xueves fuimos a patinar en xelu a Uviéu y dempués dimos un paseín pela decoración del centru la ciudá. El vienres, vimos una peli navidiega y dempués llegó un visita perespecial: ¡la de Papá Noel! Tuvo un ratín col@s nen@s charrando y nun vino coles manes vacíes, to@s llevaron un regalín. Al marchar Papá Noel, Natalia, la maestra de música, xunto con tol alumnáu del cole, punxeron la nota artística a la mañana, col conciertu de variedaes que tuvieron preparando durante'l trimestre y que fixo les delicies de les families asistentes. Al acabar, esfrutemos to@s xuntos: families, profesoráu y alumnáu; d'unes llambionaes navidiegues. Tamién entreguemos el premiu a la meyor fotopostal del concursu que foi pa Julia de 6º y la so perrina "Lola", y despidímonos hasta l'añu siguiente.
Dexámosvos equí un vídiu coles semeyes d'estes actividaes y otru col montaxe navidiegu que prepararon l@s nen@s que vienen al serviciu de "Tardes nel cole" cola so monitora, Miriam.
Aprovechamos pa deseyavos unes prestoses fiestes y un bayurosu añu nuevu.
