¡¡Raqueteando!!

 Dempués de tener casi un mes la ñeve hasta les rodielles equí en Fele, aprovechando les temperatures un poco más agradables y enantes de que desapaeza del too, ayer calcémos les raquetes y salimos dar un voltiu al rodiu la escuela. Amás de pasear, tuvimos xugando al pañuelu, a guerra de boles y a "atrapar la bandera". El resultáu: bien de rises, de cansanciu y de bonos momentos. Equí vos dexamos un vídiu coles fotos del día. ¡Qué vos preste!

 

Celebrando la Navidá

Por fin da acabación esti 2020 y nosotr@s nun podemos tar más content@s, asina que, siguiendo les normes hixéniques de seguranza, celebrémos una xornada festiva pa dispidir l'añu y el trimestre. Fiximos talleres pa fabricar una bota y una bola de ñeve d'adornu, un galleta bien llambiona, vimos una peli navidiega, tuvimos una chocolatada, hubo premios pa los grandes llectores del trimestre y artistes de los trabayos del Amagüestu y Halloween y, lo más especial pa to@s, foi la conferencia col mismísimu Papá Noel, que taba acabando cola cuarentena pa tar a puntu pa nuechebona y tuvo un ratín charrando con nosotr@s. Un día mui especial y emotivu. Dexámosvos un vídiu coles fotos de la xornada. ¡Qué vos preste!