Esti Antroxu, bien atípicu, tamién hubo folixa na escuela, eso sí, respetando les midíes de seguranza ya hixéniques del protocolu. La temática nos treslladó al Londres de 1880, na época del flamante Detective Asesor Sherlock Holmes. Esti, xunto al so insepartable collaciu. Watson, y un brillante inspector Belga, Hércules Poirot, aconceyaron a l@s pequeñ@s detectives de la escuela nel so despachu pa pidi-yos ayuda pa resolver un par de misterios que los traen pela cai de l'amargura. Cada grupu burbuxa tuvieron 70 minutos pa resolver el misteriu, nuna sala enllena d'aldovinances y mensaxes secretos, de gueta de güelles dactilares y buscar combinaciones p'abrir caxes secretes.
Depués, pa premiar esi esfuerzu y ser tan bon@s detectives, tuvieron una chocolatada con bizcochos y pa rematar pintaron un paisaxe de Londres con posos de café y té. Tamién hubo sesión de cine p'ambientar con una peli de cuando Sherlock yera mozu como los nuestr@s detectives y yá apuntaba maneres.
Equí vos dexamos un vídiu coles semeyes de la xornada. ¡Qué vos preste!
