Excursión-Fiesta Fin de cursu

Esti añu, pa da-y acabación al cursu cambiemos de plan y marchémos tola Comunidá Educativa a facer una ruta, la de la Cascada de Xurbeo, y depués fuimos a visitar la recién abierta Sala d'Interpretación de la Vía Carisa qu'hai en Nembra. Deprendímos munches coses sobre esti trabayu tan llaboriosu de los Romanos y la importancia arqueolóxica del nuesu conceyu nesti sen. Depués fuimos pal campu la Ilesia de Nembra pa facer una pitanza to@s xunt@s, xugamos a los bolos na bolera tradicional, cañicámonos nel parque, y cerrémos la xornada con un partíu de "Patabéisbol" adultos escontra escolin@s. Foi mui prestoso. Enantes de dir marchando, les encargaes del AMPA, dieron un regalín a cada neñ@: una cantimplora personalizada, que fixo les delicies de to@s. Munches gracies a toles families que nos acompañastis nesa xornada tan prestosa. Equí tenéis una montonera fotos del día.

Aprovechamos pa davos les gracies, a neñ@s y families, por esti cursu 2018/2019 nel que consiguimos tantes coses tan importantes y deseyavos un felicísimu branu. ¡Vémonos en setiembre!

¡Recibimos un premiu del concursu "UHU" pol nuestru proyectu Medioambiental!

Hoi nun podíemos tener meyor actividá pa dir despidiendo'l cursu que la de recibir el Primer Premiu del Concursu de "UHU" pol nuesu Proyectu Medioambiental nel que tuvimos inmersos durante toos estos meses. Tamos perarguyosos, nun solo por ganar, sinon poque fuimos seleiciona@s d'ente 1500 proyeutos participantes. En representación de la empresa "UHU" vino Jose, a danos entrega del Cartel col premiu, el cheque de 500€ y una Tablet. Aprovechamos la entrega d'esti premiu pa facer el repartu de les llechugues que tuvimos cultivando estes últimes selmanes y una bolsina con material escolar "UHU" pa cada neñ@. Equí vos dexamos unes semeyes del momentu y el vídiu que presentamos al Concursu explicando tolo que ficimos durante esti cursu col nuesu Proyectu Medioambiental ¡Qué vos presten!

Vídiu del Proyectu Medioambiental:

¡¡Broche final a la Xira teatral del Grupu Teatru del CP Felechosa!!

Hoi dimos acabación, depués de munches selmanes de trabayu, a la nuesa xira teatral. La cabera función tuvo llugar a les 11.30 nel salón d'actos de la Residencia del Montepío, y cuntamos cola collaboración de Maximina, Manuel y Domingo; trés residentes que ficieron unos "cameos" na nuesa obra "P'allá del Más-Allá". Tuvo simpatiquísimo y la xente marchó encantada. 

Y depués de toes estes selmanes de trabayu, emociones, ésitos y nervios, solo nos queda por dicivos...

"Agradecí@s y emociona@os, solamente podemos dicir...¡¡Gracies por viniiiiiiiiiiir!!"

¡Excursión Final de Curso!

El viernes, mochila al hombro, gorra en la cabeza y muchas ganas de pasarlo bien, nos pusimos rumbo a Xixón, a visitar el Museo Evaristo Valle. En esta aventura nos acompañaron l@s alumn@s del cole de Bello y del cole de Piñeres. Durante la jornada conocimos el Jardín del Museo, hicimos un taller en el que nos convertimos en Pintor@s para reproducir el cuadro de "Las tres brujas" y después visitamos el interior del Museo, haciendo especial hincapié en las obras más importantes de la vida del pintor. Al terminar, nos fuimos a la Playa de Poniente a comer y jugar en la arena. ¡Nos lo pasamos genial!

¡¡Cabera función de "P'allá del Más-Allá"!!

La prósima y cabera representación de la pieza teatral "P'allá del Más-Allá" del Grupu Teatru del CP Felechosa tendrá llugar el prósimu llunes 17 de xunu a les 11.30 hores nel Salón d'actos de la Residencia del Montepío en Felechosa. Esta función va ser perespecial porque, amás de pone-y el colofón final a la nuesa xira, habrá dellos "Cameos" de trés de los Residentes. Ye la última oportunidá de ver en direutu a estos cachu actores y actrices. ¿Vas perdételo?

Doblando dibuxos animaos al asturiano

Estes caberes selmanes, l@s escolin@s de 5º y 6º tuvimos inmers@s nuna tarea mui prestosa: el doblaxe d'un capítulu de dibuxos al asturiano. Escoyimos un capítulu de Pepa Pig, al que renomemos "Pepa la Gocha na Piscina". Depués de recopilar los diálogos y tornalos al asturiano, pasemos los guiones a llímpio y depués llegó lo más complicao: ensayar, pa ser capaces d'encaxar la nuesa voz cola de los personaxes de dibuxos. Al cabu de dellos ensayos grabémoslo y esti foi'l resultáu. ¡Naguamos que vos preste! 

¡¡De conciertu y a la Bolera!!

¿Habrá meyor plan que'l que pudimos esfrutar nel día d'ayer? Primero fuimos al Auditoriu Teodoru Cuesta de Mieres a ver un superconciertazu de la Banda Municipal de Música de Mieres, la cual preside la nuesa mayestra música, Belén; y, depués a deprender cómo se xuega a los bolos tradicionales asturianos, nuna auténtica bolera. Ellí nos recibió Pepín pa enseñanos les normes básiques del xuegu. ¡Munches gracies a Belén y a Pepín pol convide! Pasémoslo pipa. Equí vos dexamos unes fotos del día, ¡qué vos presten!

¡Facemos anuncios publicitarios n'asturiano!

L@s escolin@s de 3º y 4º garrémos-y gustu al mundu la publicidá y ye que, depués d'haber fecho cuñes publicitaries pa radio, agora lancémonos a la publicidá en formatu audiovisual. Durante les caberes selmanes, na clase de llingua, tuvimos trabayando pa ellaborar los guiones y ensayar los anuncios, pa depués ponelos n'escena y grabalos. Estos fueron los resultaos, naguamos que vos presten tanto como a nosotr@s.

Eva, Naiara y Luciano anuncien el meyor friegaplatos del mundu: "Fami":

Valeria, Celia y María anuncien un desenredante de pelo: "Alón Pelo-Paya":

Paula, Andrés y Oliver anuncien el milagru pa les máquines fregaplatos: "Guchus Power Xel":

¡¡Nuevu ésitu de "P'allá del Más-Allá"!!

Esti vienres pasáu a les 19.30 hores de la tarde, el Grupu Teatru CP Felechosa tábemos sobre les tables una vegada más. Con motivu de les fiestes de Caborana, ficimos una representación de la nuesa obra "P'allá del Más-Allá" na Xunta d'Iniciatives del pueblu, y una vegada más, foi un ésitu. Munches gracies dende equí por asistir y venir a pasar un bon ratu con nós. ¡Ah, y amás esta selmana salimos na prensa! Equí vos dexamos l'enllaz a la noticia. Gracies a Carmen Basteiro de la Nueva España pol interés.

Pincha equí pa ver la noticia de La Nueva España

Prósima función de "P'allá del Más-Allá"

El Grupu Teatru del CP Felechosa anunciamos nueva función de la nuesa obra "P'allá del Más-Allá". ¿Tovía nun la vistis y morréis de ganes? ¿Yá la vistis pero prestóvos tanto que queréis volver vela? ¡Nun hai problema! Esti prósimu vienres 7 de xunu a les 19.30 hores, na Xunta d'Iniciatives de Caborana tienes una nueva oportunidá. ¡Acompañáinos!

¡Limpiamos el Río!

El vienres dende la Escuela Felechosa xunto cola Asociación de Pescadores  Maravayu llevemos a cabu una actividá perimportante y necesaria: la llimpieza del Ríu San Isidru al so pasu per Felechosa. Un garrapiellu d'escolin@s, maestr@s y Pescadores, baxaron a les orielles del ríu pa pañar tola basura que contamina les nuestres agües, y que tan necesario ye que baxen llímpies pa conservar la so flora y fauna, y, por tanto, la nuesa salú. Esta actividá correspuende a la Eco-Actividá que realizamos a final de cada mes dientro del nuestru proyeutu de Reciclaxe y al Programa de COGERSA de Llimpieza Voluntaria de Residuos en Zones Naturales.