jueves, 6 de julio de 2023

Fin de la xira "Esto ye mundial" del Grupu Teatru CP Felechosa

 Depués de ocho funciones, pa tou tipu de públicos, el Grupu Teatru pon el ramu a la so xira 22/23 cola última función en casa, nel salón d'actos de la Residencia del Montepío de Felechosa, y amás, doblemente importante porque nella tuvimos la apaición estelar de Nieves y Domingo, dos de los Residentes que ficieron un papel piquñín na obra, enllazando asina cola cabera actividá del Proyeutu Interexeneracional Vivencies.

Una forma bien prestosa d'acabar el cursu. Pal añu que vien, más y meyor.

¡Qué esfrutéis del branu y de les merecíes vacaciones!




Güeli, ¿qué comemos?

 El 22 de xunu fuimos convidaos a una actividá interxeneracional bien prestosa celebrada nel Centru de Día de Morea. Consistía en dir a preparar un par de recetes un poco peculiares... Empanada de carne de Cordobeyu y Tata de Queso de lleche de Gamusina. L@s neñ@s ellaboraron les recetes cola ayuda de les usuaries del Centru de Día y depués visitáronnos los únicos pescaores con licencia pa pescar al Cordobeyu y les últimes ordeñaores de Gamusina, que nos esplicaron en qué consiste'l so trabayu. Una actividá perguapa y que, amás, salió nel programa de la TPA "Siempre al día".

Equí vos dexamos l'enllaz del programa, a partir del minutu 35:

CP Felechosa en Siempre al Día






Graduación 2023

 Y como too llega al so fin, les etapes educatives tamién lo faen. Esti xueves 15 de xunu, graduémos na escuela a los neños d'infantil de cinco años que dan el pasu pa primaria; y graduémos y dispidimos a l@s neñ@s de 6º de primaria que, amás de dar el pasu a la secundaria, dexen el cole... Una xornada con sentimientos alcontraos, pero bien prestosa igualmente. Equí vos dexamos unes fotos del día.



Repoblando'l ríu

 A lo llargo de tol cursu tuvimos inmersos nun Proyeutu perguapu sobre la bona llabor que faen l'asociación de pescaores "El Maravayu" que ye la de criar alevines de trucha autóctona pa repoblar ríu . Tuvimos acompañándolos a lo llargo de toles fases d'esti procesu hasta finar cola suelta de los alevines al ríu. Con tola información que recoyimos, preparemos una esposición que ta nel rincón del reciclaxe y que, por supuestu, tais toos convida@s a visitar. Equí vos dexamos unes fotos de cuando fuimos a la suelta.



miércoles, 5 de julio de 2023

Excursión fin de curso al MUJA

 El curso va llegando a su fin y antes de rematarlo nos fuimos a Colunga de excursión a hacer un viaje en el tiempo y descubrir muchísimas cosas de los dinosaurios en el MUJA. Después, aunque el tiempo no nos acompañó mucho, bajamos a la Playa de la Griega para ver las huellas que estos enormes seres dejaron en sus rocas. Fue una jornada estupenda, aquí os dejamos unas fotos de la misma.



Recetes saludables con productos de la güerta

 Esti mes, dientro del nuesu Proyeutu Interxeneracional Vivencies, tocó facer una receta bien prestosa y saludable colos productos que recoyimos de lo que plantemos na güerta de la Residencia'l pasáu mes de marzu: rollinos de llechuga. Preparémoslos ente to@s, residentes y neñ@s, y depués comímoslos de pinchu nel recréu. Equí vos dexamos unes fotos de l'actvidá.



martes, 9 de mayo de 2023

¡¡Arrancamos Xira Teatral!!

 El Grupu Teatru tamos de norabona una vegada más, el vienres pasáu, Día de les Lletres Asturianes, diéronnos anuncia de que la nuesa obra "Esto ye mundial" ye ganadora del Premiu al Meyor Vestuariu y del Premiu a la Meyor Direición.

Aprovechamos p'anunciar la primer función de la xira que sedrá esti xueves 11 de mayu a les 19:00 hores nel Teatru Cine Carmen de Morea pa tolos públicos y a la mañana siguiente, dos pases pa l@s escolin@s de tol conceyu.

¡Animáivos a venir!