¡¡Cómo nos presta antroxar nesti cole!!
El pasáu vienres 13 de febreru cellebramos nel cole l'Antroxu. Esti añu la temática foi "Los Oficios", asina que punxímonos manes a la obra colos drisfraces pa dir a enseñalos pel pueblu. Los peques d'infantil esti añu antroxaron de médic@s y enfermer@s; los neños de 1º, 2º y 3º, diben mazcaritaos del cuerpu de Bomberos de Felechosa; y los neños de 4º, 5º y 6º sacaben la vena artística antroxando de pintores famosos de la Historia del Arte.
Como tábemos tan guapos y el sol acompañaba fuimos a desfilar pel pueblu y, a la vuelta, esperábanos nel cole una bona pitanza con bollos, empanaes... y tamién llambionaes típiques d'esta fiesta, a cargu de tolos neñ@s del cole, que traxeron caún una cosina. ¡Cómo nos punximos!
Equí vos dexamos un vídiu coles semeyes del día d'Antroxu. ¡Qué vos preste!