jueves, 15 de junio de 2017

REPRESENTACIÓN CABERA DE "ANOVASE O MORRER"

Mañana vienres 16 de xunu a les 11.30 hores nel Salón d'Actos de la Residencia del Montepío en Felechosa, los escolin@s de 6º de primaria fadrán la cabera representación de la so obra "Anovase o morrer" dando por zarrada yá la mini-xira na que lleven inmersos los dos últimos meses. La entrada ye de baldre y tais toos convidaos.


miércoles, 14 de junio de 2017

XORNADA TEATRAL COLES ESCUELES DEL CONCEYU

Hoi los escolin@s de 6º de primaria tuvimos una cita perimportante nel Teatru Cine Carme de Morea pa con toles escueles del conceyu d'Ayer, previa cita a toes elles. Amás, nun solo representemos nosotros la nuesa yá perfamosa "Anovase o morrer" sinon que, tamién, tuvimos l'actuación de los escolin@s de 5º de primaria del CP Morea que nos ufiertaron una piecina teatral ambientada nuna romería y nomada "Antón y Antona la Reteyona". 
Dende'l CP Felechosa queremos agradecer a toles escueles por atender a la nuesa invitación y facer d'esti día ún perespecial prestónos abondo poder representar pa toos vosotros. 
¡¡Gracies!!




viernes, 9 de junio de 2017

EXCURSIÓN FIN DE CURSU. CUEVA TITO BUSTILLO

Hoi foi un día perguapu. Garremos los petates, los bocadiellos y les gorres y marchemos a les oho la mañana pa Ribesella a visitar la Cueva de Tito Bustillo y el centru d'interpretación pa depués facer un tallerucu de pintures rupestres y instrumentos paleolíticos pa rematar la visita. Tuvo perinteresante. Depués comimos al aire llibre nun área recreativa al llau y yá pa rematar fuimos a la Playa la Griega a xugar un poco y moyar un poco los piesucos, anque algún moyóse un poco más de la cuenta... Foi un día mui prestosu y pasémoslo pipa. Equí tenéis una esbilla fotos que dan fé d'ello. ¡Qué vos presten!