viernes, 21 de noviembre de 2014

L' Amagüestu




El día 19 de payares del 2014 l@s escolin@s y les mayestres del Colexu de Felechosa cellebramos l'amagüestu, pero esta vegada foi una celebración distinta y especial: ¡¡Ficimos un Amagüestu interxeneracional!!
Esti añu, camudamos l'escenariu de tolos amagüestos, el cole, y xubimos toos pa la Residencia del Montepío, onde nos esperaben los vieyinos del llugar colos brazos abiertos pa cellebrar toos xuntos l'amagüestu.
Pa enmar l'actu, Rosa, una de les residentes lleó un pregón perguapu pa danos la bienvenía, y Laura (5º) y Pedro (3º) correspondieron con otru pregonín en representación del cole. Depués de los pregones entamaron los talleres. El primeru d'ellos foi a cargu de los residentes, onde varios d'ellos fueron cuntándonos cómo yeren los amagüestos cuando ellos yeren neños, el protagonismu de la castaña antañu y otres munches hestories que l@s escolin@s sintieron con gran atención. el segundu taller foi al rodiu de la esfoyaza, tres de les residentes cuntaron a l@s escolin@s en qué consistíen les esfoyazes, ayudaes por un vídiu curtiu, y depués, toos xuntos, neños y vieyos, punxéronse a ello. Cuando tuvieron toles panoyes esfoyaes ficieron riestres, la verdá que daba gustu velos a toos xuntos pasándolo tan bien. Otru de los talleres conxuntu foi la preparación de los cucuruchos onde echar les castañes magostaes, daba gustu ver a l@s escolin@s ayudar a los mayores a facer los sos cucuruchos.
L'últimu de los talleres enantes de los xuegos, consistió en deprender un cantar tradicional asturianu pa poder cantalu toos xuntos. Al finar el canciu, entamaron los xuegos tradicionales: el tiru-soga, la carrera panoyes, la carrera de cuyares con castañes, el come-castañes (tipo la rana) y el pañuelu. Nestos xuegos tuvieron munchu más protagonismu los neños, pero nun penséis que tolos residentes se quedaron sentaos mirando... húbolos que xugaron y lo pasaron casi meyor que los neños.
Depués de los xuegos, llegó la hora de la xinta, por fin llegaron les castañes magostaes cola sidrina dulce del llagar de la directora de la Residencia, que too seya dicho, taba perbona.
Foi un día perguapu, nel que prestó ver a l@s neñ@s ya los residentes esfrutar a tope col amagüestu, y onde unos d'otros deprendieron una montonera coses.
Equí vos dexamos un vídiu con toles semeyes d'esi día. ¡Qué vos preste! 


lunes, 3 de noviembre de 2014

HALLOWEEN TIME!!

El viernes 31 de Octubre celebramos en el colegio Halloween. ¡Fue un día muy divertido!
Todos nos disfrazamos de personajes terroríficos, hicimos caretas que daban mucho miedo y nos maquillamos. Después del recreo lo pasamos muy bien jugando a diferentes juegos tradicionales de Halloween.