Recomendaciones Literarias del Primer Trimestre

L@s alumn@s de 5º y 6º nos hacen unas recomendaciones literarias de algunos de los libros que han leído durante este primer trimestre. Estas recomendaciones quedarán almacenadas en la sección de nuestro blog dedicada a la Morada del Chamuca-L.libros. ¡Disfrutadlas!

¡Llega la Navidá!

Na escuela Felechosa yá tamos calentando motores pa celebrar les navidaes. Ayer, subimos hasta la Residencia del Montepío pa facer un taller de manualidaes navidiegues colos residentes. Ficimos estrelles de ñeve, moñequinos de ñeve y campanines pa colgar nel árbol de Navidá; too ello con material reciclao. Esta actividá forma parte del Proyectu Vivencies que llevamos xunto cola Residencia. Equí tenéis un vídiu coles fotos de l'actividá. ¡Qué vos preste!

¡Visítanos un apicultor!

Esti martes tuvimos una visita bien prestosa na escuela, la de Jesús Tejón, ún de los apicultores más activos del nuesu conceyu. Aprovechando la esposición tan guapa y prestosa que teníemos puesta na entrada la escuela sobre les dixebraes ferramientes del mundu l'apicultura y que Héctor, el maestru de Llingua, reunió col sofitu de les families, Tejón tuvo esplicándonos coses perinteresantes sobre'l mundu les abeyes. L@s escolin@s tuvieron bien atentos y ficiéron-y una montonera entrugues bien interesantes. Gracies Tejón, por compartir parte del to tiempu con nós.

¡Escontra la violencia machista!

El lunes, con motivu del 25 N, el día escontra la violencia machista, nun ratín al final de la mañana, maestr@s y escolin@s, aconceyamos pa facer un pequeñu actu reivindicativu. Preparemos un cartelu con manes estampaes en negro alrodiu del númberu 52, que ye'l númberu de víctimes que van dende qu'entamó l'añu; darréu Valeria y Luciano (5°) lleéronnos un manifiestu que propuso l'Ayuntamientu d'Ayer y sintimos una canción perguapa y emotiva de Marisa Valle Roso. P'acabar l'actu, plasmemos una mano negra en caúna de les tarxetes que tiníamos y que colocaremos col cartelu. La escuela Felechosa nun queda indiferente ante les inxusticies porque nun tan soles, tamos to@s con elles.

¡La Morada el Chamusca-L.libros se extiende: nuevo rincón de lectura para adultos!

La Morada del Chamusca-L.libros está de estrena y es que, hemos abierto un nuevo rincón de lectura para adultos. Este rincón, además de tener una zona tranquila donde poder leer un rato y estar a gusto, contará con servicio de préstamo. Desde el CP Felechosa apostamos por el fomento de la lectura en todas las edades. Recordad: si vosotros leéis vuestr@s peques también lo harán.

¡Puxa l'Amagüestu Interexeneracional!

Ayer tuvimos una celebración anual perimportante: l'Amagüestu Interexeneracional. Ye interxeneracional porque lu celebramos colos vieyinos y vieyines que tan na Residencia del Montepío y ta enmarcáu nel nuesu proyectu conxuntu "Vivencies".

Amás, tuvimos la visita y participación perprestosa de l@s compañer@s de les escueles de Bello y Piñeres. Pa entamar tuvimos un miniconciertu de gaita y una esplicación de les partes d'esti instrumentu, a cargu d'Imanol, el maestru de música de Piñeres. Darréu, trabayemos pa investigar los aspectos más importantes de les dixebraes ferramientes que taben na esposición cola ayuda de los Residentes. Al acabar esta xera, entamó lo más divertío: los xuegos tradicionales. Tuvimos faciendo un circuitu per cinco xuegos tradicionales pa dempués, sentanos a reponer fuercies coles castañes y la sidrina dulce. Pasámoslo perbién. Equí tenéis un vídiu cola montonera fotos de l'actividá- ¡Qué vos preste!

 

¡Nel llagarín d'Andrés!

Hoi, el nuestru compañeru Andrés (6º) y so pá, Fran, tuvieron a bien convidanos a dir a visitar el Llagarín que tienen na so casa. Asina que, punximos los abrigos y fuimos dando un paseín hasta ca Andrés, onde nos tuvieron enseñando cómo tuvieron faciendo sidra dulce estos díes, y repasando los pasos de la elaboración de la sidra. Amás, l@s nen@s pudieron prensar la mazana y prebar la sidra. Comimos el pinchín y de la que baxábemos pa escuela paremos a facer el recréu nel parque. Nun nos fai falta dir mui lloñe p'atopar coses bien prestoses pa ver y pa facer.