Hoi, empecémos fuerte la selmana, y ye que fuimos hasta L.luarca a visitar el Parque de la Vida, onde disfrutemos d'un llugar únicu y deprendimos un montón de coses. Al entamu, ficimos un taller de reptiles y anfibios, nel que tuvimos conociendo a delles culebres bien prestoses y tranquiles y tamién desmitifiquémos a les sacaveres, tan mal consideraes pola xente d'antañu, viendo que son unos animalinos bien tranquilos y amigables. Depués dividímonos en dos grupos, families y dell@s maestr@s per un llau y neños y l@s demás maestr@s per otru pa dir a facer la visita a les esposiciones de cetáceos, calamares xigantes, cefalópodos y fósiles. Deprendimos munches coses interesantes y al finar esti recorríu, volvimos xuntanos toos pa facer la visita a la nave espacial Arianne 5 y dar un paséu peles constelaciones y el firmamentu nel planetariu. Al acabar, comimos to@s xunt@s el bocadiellu y punximos rumbu a Fele.
Dende equí queremos resaltar y agradecer el gran llabor que lleven a cabu nesti Parque de la Vida, y animámosvos a visitalu, tantos a lo que yá fuistis como a los que non. Ye un sitiu únicu, que tenemos n'Asturies, y que munches veces pasa desapercibíu. Y munches gracies a Luis y a Susana pol vuesu tiempu y dedicación y por compartir los vuesos conocimientos con nós.
Equí tenéis una montonera semeyes del día, ¡Qué vos presten!
No hay comentarios:
Publicar un comentario