El pasáu martes 29, enantes de marchar de puente, punximos los mazcaritos espantibles y celebremos Halloween/Samaín per tolo alto. Pa entamar vimos la peli de "ParaNorman" y depués un vídiu misteriosu daba pasu a lo que diba ser una aventura na que neñ@s y families diben ser los protagonistes: salvar la escuela y a los maestros de les garres d'un ser malvadu. Pa ello tuvieron que visitar a dellos mostros y seres espantibles que taben escondíos pela escuela y que teníen misiones reservaes pa ell@s. Cuando consiguieron cumplir toles misiones pudieron abrir tolos candaos que custodiaben un baúl cola solución a tolos males: unos galletes hechizaes perbones. Darréu, ficimos un par de talleres pa fabricar un cóctel sangrientu y un sándwich Momia. Depués comímoslo to@s xuntos y marchamos pa casa a esfrutar del puente. Esquí tenéis un vídiu coles fotos de les actividaes. ¡Qué vos preste!
No hay comentarios:
Publicar un comentario