¡Arrancamos l'Eco-Proyectu!

 Y siguimos arrancando colos Proyeutos tan prestosos que tenemos na nuesa escuelina. Esta selmana, fiximos l'actividá mensual correspondiente del nuesu Eco-Proyeutu. Daes les circunstancies sanitaries, nun podemos desplazanos a nengún llau, pero esto suplímoslo col emplegu de les nueves teunoloxíes. Ficimos alcordanza de la tan prestosa y magnífica escursión que ficimos hai un par de cursos al Parque de la Vida en L.luarca, y tuvimos una proyeición d'un vídiu del so coordinador, Luis Laria, nel que nos esplicó, como conservacionista que ye, la importancia de la Sacavera; desmitificando bilordios feos sobre elles y falándonos de la importancia del so cuidáu y respetu. Darréu, ficimos un taller de manipulación nel que l@s nues@s escolin@s pudieron tocar, ver y esperimentar con unes sacaveres. Nun hai meyor terapia escontra'l mieu y los prexuicios. Equí vos dexamos el vídiu divulgativu de Luis Laria y unes semeyes de l@s neñ@s esfrutando coles sacaveres. ¡Ah! y tranquil@s to@s, esa mesma nueche, fueron puestes en llibertá otra vuelta nel so habitá. ;)