Hai unos díes, despidimos a un cachín de la nuesa escuela, Victoria, que marchó con muncha pena de con nosotr@s, pa entamar la so nueva andadura n'otra escuela. Nun pudimos nun face-y un pequeñu homenaxe ente to@s pa dispidila como se merez. Super-Victoria, gracies infinites pola to sorrisa de cada día d'estos cinco años caberos, pol to bon humor, polos tos mazcaritos en toles ocasiones, pola to participación en toles actividaes de la escuela, pola to profesionalidá nel trabayu, pol to cariñu y detalles a l@ nen@s y compañer@s, por ser como yes. Dende equí, queremos deseyate tolo meyor pa lo nueva andadura y repitite, de forma pública, lo importante que yes pa nós y lo muncho que te queremos.
Super-Victoria, nos dexasti güella.
No hay comentarios:
Publicar un comentario