El caberu día del mes d'abril, tuvimos la eco-actividá correspondiente del Proyectu Medioambiental. La temática escoyía foi l'agua. L'actividá consistió en visualizar un vídiu curtiu sacáu del programa de divulgación científico "Órbita Laika" de tv2, nel qu'espliquen cuántos llitros d'agua se gasten en fabricar y producir coses cotidianes como la ropa, la comida, etc. Darréu, l@s neñ@s fueron al Eco-Requexu a facer un mural apiegando diferentes aiciones p'aforrar agua, colocaron nos cuartos de bañu de tola escuela pegadielles pa concienciar del bon usu del agua y dieron acabación xugando a un "Pasapallabra" del agua, nel que, por equipos, tuvieron qu'aldovinar toles pallabres del roscu, que tiníen que ver col agua. Equí vos dexamos unes semeyes.
No hay comentarios:
Publicar un comentario