El caberu día d'escuela despidímonos per tolo alto. Alfonso, el maestru d'Educación Física, preparó una gymkana perprestosa con diez prebes, de les que la metá yeren d'agua. Nun faltaron los patinazos, les rises y el bon humor nesti día. Había de dir superando prebes pa que, a lo cabero, los mayores de 5º y 6º fueran puestos a preba con una garrapiella preguntes. Si nun sabíen responder el restu d'escolin@s podían chiscalos. Y l@s mayores, si superaben les sos prebes, podíen chiscar a l@s maestr@s. Resultáu: to@s pingando, reciella y clautru. Equí vos dexamos un selección de fotos de l'actividá. ¡Qué vos presten! Aprovechamos pa deseyavos, otra vuelta, unes bones y felices vacacionees. ¡Vémonos en setiembre!
No hay comentarios:
Publicar un comentario