La selmana pasada celebremos na escuela'l Samaín/Halloween/Fiesta de los Difuntos. La temática escoyida p'ambientar la escuela foi "La Familia Addams", y que'l Claustru tresformose nesta célebre familia pa organizar una "aventura" pela so mansión. Comenzamos la xornada col visionáu de la peli de los Addams, pa dir metiéndose nel papel y depués entamó'l Breakout que taba diseñáu pal día. "El Primu Eso" cuntó-yos a los nen@s que perdiera les gafes na última fiesta qu'organizó la familia na mansión y que nun les daba topao, y que colos diferentes miembros de la mesma nun se podía falar porque taben un poco... alloriaos; entós pidió-yos ayuda pa que fueran busca-y les gafes. Y asina foi como, por equipos, tuvieron de dir a falar colos diferentes miembros de la familia y pasar les prebes que-yos mandeben estos pa poder consiguir un poco d'información. A lo cabero, cola ayuda de tolos equipos, pudieron abrir el baúl onde taben escondíes les gafes del "Primu Eso" y alguna recompensa qu'otra pa los ayudantes...
El día nun pudo tar más animáu y divertíu. Gracies, n'especial, a les families que vinistis a xugar. Equí vos dexamos un vídiu coles fotos de l'actividá. ¡Qué lu esfrutéis!
No hay comentarios:
Publicar un comentario