¡Puxa l'Amagüestu!

 Ayer, celebremos na escuela l'Amagüestu. Tuvimos una xornada perentretenía faciendo pañuelos, monteres picones y cucuruchos en forma de castaña pa meter les castañes depués. Darréu, anque les inclemencies climatolóxiques nos lo punxeros difícil, fiximos el circuitu de xuegos tradicionales pa dempués sintir el pregón a cargu de l@s neñ@s de 5º y 6º y forrar con bollinos preñaos, castañes y zusmiu de mazana al son de la gaita de Diego de la Banda Gaites El Gumial. Depués de fartar, Carmen explicónos  tolos preseos de la esposición, pa qué s'usaben antañu y Laura falonos de les partes del traxe tradicional y de curiosidaes sobre ello. Una xornada mui prestosa celebrando lo nueso. Equí tenéis un vídiu coles semeyes del día. ¡Qué vos preste!