¡Presumiendo d'Eco-compromisu!

 Ye bien sabío por to@s que nesta escuela tamos percomprometíos col Mediu-Ambiente, y l@s nuestr@s rapaz@s tamién, y son munch@s los que, tolos díes, vienen a escuela en bicicleta. Asina que, pa siguir concienciando y a mou d'agradecimientu, tamos estrenando esti cartelu bien grande y vistosu.

¡Tamos nel bon camín!

La "Bici-escuela" na escuela

Ayer visitáronnos los monitores de "La Bici-Escuela" del Club Ciclista de Cualloto. Fueron dos hores y picu d'actividá na que nos enseñaron nociones mecániques básiques de la bici, d'educación vial y de circulación segura. Nun foi solo teoría, si non que, punximos el cascu y garremos la bici pa poner en práutica tolo esplicao. Primero, de forma segura, nun circuitu pela escuela y, depués, salimos pel pueblu a estrenanos como ciclistes responsables. Pasémoslo bomba y deprendimos un montón de coses, porque amás de ser un xuguete que nos presta muncho, ye un mediu de tresporte col que debemos tener muncha precaución. Equí tenéis les fotos de l'actividá. ¡Qué vos presten!