¡Puxa l'Antroxu!

 Esti añu, siguimos cola temática "De Cine" y pal Antroxu y escoyimos una película bien prestosa que fala de les emociones y lo importantes que son toes elles pa una bona salú mental: "Del Revés". Ca aula antroxamos d'una emoción: Infantil de Mieu; 1º y 2º d'Ira; 3º y 4º d'Alegría: 5º y 6º d'ascu; y l@s nen@s de la escuelina de Bello de tristeza.

Tuvimos un garrapiellu d'actividaes temátiques sobre les emociones, una chocolatada con churros y, como non, un desfile pel pueblu pa lucir el mazcaritu.

Equí vos dexamos unes semeyes de la celebración. ¡Qué vos preste!

¡Puxa l'Antroxu Cósmicu!

 Esti llunes un@s pequeñ@s seres cósmicos de galaxes, planetes y llugares cósmicos peralloñaos aportaron a la escuela de Fele pa enllenar de collores, lluces y allegría la escuela y el pueblu. Depués de les pertinentes presentaciones, del so llugar de procedencia y dalgunos detalles de la so cultura, al venir to@s ell@s en son de paz, compartimos una llamabionada terrícola perfamosa: chocolate con churros. Y darréu, salimos a saludar al restu d'habitantes del pueblu, enllenando les caleyes de música y allegría. Hubo tiempu pa facer xuegos cósmicos nel parque enantes de tornar a pola nave espacial y colar caún pal so planeta. Equí tenéis unes semeyes del día tan prestosu que tuvimos. ¡Qué vos preste!