Cuentos de Maleta

 Esta selmana visitáronnos Leticia y Gaspar colos sos Cuentos de Malera, pa cuntanos a través de marionetes, una lleenda Bereber, la hestoria de Sheina, una muyer fuerte que decide marchar de la so tierra pa poder vivir llibre ensin que naide la xulgue nin la faga sintir mal. Darréu, l@s neñ@s pudieron fabricar les sos propies marionetes con materiales naturales y teles africanes, asina como los decoraos y les casines pa poder facer los sos propios teatrinos. Tuvo bien prestosa la xornada. Equí vos dexamos unes semeyes del día.

¡Madreñazu al patriarcáu!

 Cola llegada del 25 N, enllenemos la escuela de madreñines moraes pa dar "Madreñazu al patriarcáu", el lema escoyíu pola Brigada Feminista de les Cuenques escontra cualisquier tipu de violenciu hacia la muyer. Nesta escuela, llevamos bien de tiempu trabayando na llínia de la coeducación p'algamar una sociedá más xusta ya igualitaria. Nun podía faltar la celebración d'esta efeméride na que deprendimos algun@s y repasemos otr@s, porqué se celebra esta fecha, pa dempués pintar y decorar les nueses madreñines moraes que coloquemos nel mural que llevaba una madreñona grande. Equí tenéis unes semeyes de l'actividá.