Depués de trabayar tol añu nel nuesu Proyeutu medioambiental, ponemos el colofón final con una iniciativa bien prestosa: ¡unos Grafitis nel alcantarillao del pueblu!
L@s nen@s y maestr@s, con spray y plantilles de motivos oceánicos en mano, garremos y fuimos a la gueta d'alcantarielles onde poder poner el nuesu particular robláu. Y ye que, con estes pintaes y les sos plaquines, queremos concienciar a la xente de nun tirar basories a les alcantarielles, porque'l mar entama nelles.
Los residentes del Montepío colaboren nesta iniciativa poniendo les plaques nes que se pue lleer "No tires nada, el mar empieza aquí" al llau de los nuesos grafitis.
Equí vos dexamos unes semeyes de los nues@s grafiterin@s. ¡Qué vos presten!
