Participemos na Campaña Escolar de Salvamentu y Socorrismu

Esta mesma mañana, l@s escolin@s de 4º,5º y 6º de la nuesa escuela y de la de Bello participaron nunes xornaes mui especiales. Y ye que, vinieron hasta equí'l Clú de Salvamentu y Socorrismu de Xixón pa imparti-yos un taller teóricu y práuticu pa formalos y que sepan cómo reaccionar ante urxencies nel ámbitu acuáticu. El taller tuvo llugar nes instalaciones de la Residencia del Montepío y constó d'una clase teórica d'una hora onde esplicaron cómo actuar ante situaciones d'emerxencia y rescates y qué normes siguir. Darréu, tocó poner en práutica lo deprendío na piscina. Tamién quedó constancia del Salvamentu y Socorrismu como modalidá deportiva. Equí tenéis un vídiu coles fotos de l'actividá. ¡Qué vos preste!

¡¡Nos relaxamos nel Spa del Montepío!!

Hoi, tolos escolin@s, fuimos dando un paseín hasta'l Montepío, pa facer l'actividá cabera del Proyecto Vivencias, que consistió nuna sesión de "Aqua-Gym" y xuegos nel agua, dientro de la piscina del Spa de la Residencia, como los que faen los residentes nes sos terapies. Pasámoslo en grande chapotiando y faciendo los xuegos. Equí tenéis delles fotos de l'actividá. ¡Qué vos presten!