Charra-taller La Vía la Plata

Ayer, miércoles día 3 d'ochobre, vino a la escuela Beatriz, una animadora del ayuntamientu, que vino a facemos una charra-taller sobre la Vía la Plata. Cuntónos lo importante que foi la Vía Carisa y la Vía la Plata nel nuesu conceyu, como vivíen los romanos per estos lares, cómo diben vestíos, qué tipos de cases usaben, a qué xugaben los neñ@s romanos de la época... Amás fiximos dellos xuegos pa facelo too más divertío, y por ciertu, encantónos xugar a les Tabes. 

¡Munches gracies, Beatriz, por compartir el to tiempu y conocimientu con nós! 

Conciertu Pop Piquiñín n'acústicu

Hoi martes 2 d'ochobre, subimos tola escuela al salón d'actos del Montepío pa esfrutar d'un conciertu perprestosu de Pop Piquiñín. De la que subíemos aprovechemos el viaxe y fuimos a llevar unos llibros a la Biblio-Parque. Una vez ellí, en compañía de los neño@s de les escueles de Piñeres y Oyanco movimos el cuerpu al ritmu de la música tan prestosa que nos tocó Pop Piquiñín. Munches gracies a esti supergrupu por una actividá tan guapa.

Equí tenéis un vídiu coles fotos del día. ¡Qué vos preste!

¡¡¡Bienvení@s a escuela!!!

Un setiembre más, les puertes de la escuela de Felechosa ábrense pa recibir a tola reciella y entamar un nuevu cursu. Aprovechamos pa deseavos, dende equí, un mui buen comienzu de cursu a tola comunidá educativa.

¡¡Munchu ánimu!!

Graduación y fiesta fin de curso

El pasado jueves 21, fue el último día de cole, y un día tan especial merecía una ceremonia muy especial: La Graduación de los niños de 5 años de Infantil y la de los alumnos de 6º que ya dejan el cole. Fue un ceremonia sencilla pero muy emotiva. En primer lugar, los alumnos de 6º rompieron el hielo con unos discursos muy bonitos sobre su paso por el cole para, a continuación, comenzar con el acto de graduación de los niños de 5 años a los que se les entregó birrete, beca y diploma en Educación Infantil. Después fue el turno de los alumnos de 6º. Y después de la emotiva ceremonia, llegó el turno de las actuaciones de baile de algunas alumnas del cole. El acto concluyó con el visionado del "video-recuerdo" que la tutora de 6º preparó para sus alumnos y comenzaron los juegos tradicionales para todos. Después de jugar, tuvimos un pincheo muy agradable en compañía de todos los alumnos y familias del cole. Aquí os dejamos un video con las fotos de la celebración y el "video-recuerdo" de 6º. Aprovechamos desde aquí para daros las gracias por toda vuestra colaboración e implicación y desearos unas muuuuuy felices vacaciones!!

 

¡¡Zarramos xira teatral!!

Ayer tarde, el Grupu Teatru del CP Felechosa tuvo la so última función de "¡¡Pites sí, aves non!!" nel salón d'actos de la Xunta d'Iniciatives de Caborana, que foi tou un ésitu. Un broche d'oru pal trabayu de los últimos 5 meses. Dende equí queremos agradecer a toles persones que nos vinistis a ver a alguna de les funciones y a les que nos tuvistis que soportar en más d'una... Y gracies infinites a les families de los actores y actrices por facilitar les coses, los desplazamientos y la disponibilidá. Asina da gustu. L'añu que vien, esperemos, que más y meyor. ¡¡Puxa'l Teatru!!

 

¡¡Nos relaxamos nel Spa del Montepío!!

Hoi, tolos escolin@s, fuimos dando un paseín hasta'l Montepío, pa facer l'actividá cabera del Proyecto Vivencias, que consistió nuna sesión de "Aqua-Gym" y xuegos nel agua, dientro de la piscina del Spa de la Residencia, como los que faen los residentes nes sos terapies. Pasámoslo en grande chapotiando y faciendo los xuegos. Equí tenéis delles fotos de l'actividá. ¡Qué vos presten!

¡¡D'escursión a Lluanco!!

Hoi, la escuela al completo, garremos les toballes, chancles y traxes de bañu y marchemos pa Lluanco a pasar el día. Primero, fuimos al Muséu Marítimu a facer un taller nel que los peques pintaron un pexe y los mayores un barcu fechos con piecines de maera y; tamién a deprender una montonera coses sobre los oficios rellacionaos cola mar, la fauna marina y tamién sobre los Corsarios y Pirates más temibles de tolos tiempos. Amás, la visita foi mui interactiva, porque tuvimos que completar un cuadernín que nos facía preguntes sobre tolo qu'había nel muséu. Al salir d'ellí, fuimos dando un paseín hasta la playa, onde los más valientes nos dimos un bañu y depués comimos toos xuntos na sablera. Depués de la xinta, fuimos mercar un bon xeláu y yá vinimos pa Fele de vuelta. ¡Foi un día mui prestosu!

Equí tenéis un vídiu con toles fotos del día. ¡Qué vos preste!