Villancicu "Arre Borriquito"

Tenemos el gustu d'asoleyar la nuesa orixinal felicitación navidiega a mou de vidiuclip del clásicu villancicu "Arre Borriquito". Esta felicitación foi l'actividá correspondiente al mes d'avientu del Proyeutu Interexenaracional "Vivencies", que consistió en felicita-yos la navidá a los residentes d'un mou divertíu, a pesar de nun poder tan xunt@s, daes les actuales circunstancies sanitaries. Dexámosvos equí'l vídiu pa que lu esfrutéis tanto como nosotr@s al facelu. Aprovechamos pa felicitavos a toos y toes les fiestes y deseyavos que'l prósimu añu 2022 venga cargáu de salú y felicidá. ¡Vémonos l'añu que vien!

Un Mercaón interxeneracional

 Ayer, llunes 29, coincidiendo cola reciente festividá del Conceyu, el Mercaón que foi'l vienres 26, el Proyeutu Vivencies, echó a andar otra vez de forma presencial, depués de munchos meses ensin poder venos cara a cara debío a les circunstancies sociosanitaries. Desplacémonos a la Residencia, onde entamemos el día pintando cabeces de ganao, depués vimos un vídiu nel que Chusín, un conocíu tratante de la zona, nos esplicaba en qué consistíen los tratos esi día; darréu entamaron les actividaes más movíes: una carrera pa tresportar boles nun zurrón, marcar los rabos del ganao coles tixories, como facíen enantes pa distinguir el ganao de cada dueñu, y la guinda, facer tratos con ganao de verdá. Y ye que, tuvieron presentes cabres, cabritinos, oveyes, perros, pites y una vaca. Los Residentes enseñaron a l@s nen@s a facer los tratos. Depués hubo tiempu pa un pinchéu pa recargar fuercies pa poder contestar bien al trivial ganaeru que mos esperaba. Esplicáronnos tamién los oxetos de la esposición, qu'incluyíen gaxapos y madreñes de más de cien años, y p'acabar, un Pasallabra sobre'l nuesu conceyu y los vezos ganaeros. En definitiva, un día perprestosu y divertíu. Equí vos dexamos l'enllaz al vídiu que nos fixeron los de la TPA pal programa Siempre al Día y una montonera fotos:

Pincha equí pa ver el Reportaxe TPA

25N

 El pasado jueves 25 de noviembre, dedicamos un rato de nuestra mañana a rendir nuestro particular homenaje a todas las mujeres víctimas de violencia doméstica. Fabricamos unas chapas para lucir en nuestra ropa durante toda la mañana, después realizamos la silueta de nuestra mano y escribimos en ella las cosas buenas que podemos hacer con las manos y que nos hacen felices; y, finalmente las colocamos formando un lazo solidario que adornó nuestro Rincón Lila. Aquí tenéis unas fotos de la actividad.

¡Puxa l'Amagüestu!

 Esti martes tuvimos de folixa na escuela, celebrando'l tan tradicional Amagüestu. El día entamó con una divertía de Jose, el maestru de llingua, que nos cuntó cosines y nos fixo buscar personaxes mitolóxicos escondíos pela escuela; darréu vino otru jose, nesti casu un profesor xubiláu, qu'agora ye apicultor, a cuntanos una montonera coses perinteresantes sobre'l mundu l'apicultura, les abeyes y la miel; depués fiximos una manualidá bien prestosa d'una castañana molona; tamién tuvimos a la gueta l'Ayalga, revolviendo ente les fueyes seques de la nuesa viesca de decoración; en topando les ayalgues salimos a xugar los xuegos tradicionales: el comecastañes, el tiru soga, la carrera panoyes, la carrera de cuyar y castaña y la carrera sacos; y, pa finar, depués de tanta actividá entremos pa escuela a comer castañines calentines, bollinos preñaos y arremoyar el gargüelu con sidrina dulce. ¡Pasémoslo perbién! Equí vos dexamos unes fotos de la xornada. ¡Disfrutáiles!

L'árbol del Reciclaxe

Esti martes, ficimos una actividá enmarcada dientro del nuesu Proyeutu Medioambiental, na que l@s rapaz@s caracterizaron al famosu símbolu del reciclaxe, acompangaron con una poesía y colos meyores deseos pal planeta. Depués caún d'ell@s colgó'l so símbolu nel árbolín del reciclaxe qu'ubiquemos na entrada'l cole. Les patrulles de reciclaxe yá tan funcionando a plenu rendimientu y seguiremos trabayando tol cursu por algamar un planeta meyor. Equí tenéis unes fotos de l'actividá. 

¡Nos visita Raquel de Valnalón!

Un año más nos encontramos inmers@s en nuestro Proyecto de Coeducación "Lila" que hacemos en colaboración con el Valnalón. Este lunes, Raquel, la responsable del proyecto de Valnalón, nos visitó para ver en qué punto del trabajo nos encontramos. Visitó y elogió nuestro rincón Lila, y trabajó una sesión con cada grupo. Aquí os dejamos unas fotos de su visita. ¡Seguiremos trabajando duro durante todo el curso!

¡Cultivamos!

 Nesta escuela nun solo nos presta tener plantes pa que mos fagan compañía en clase, si non qu'amás, préstanos cultivales. Na clase de ciencies naturales, l@ nen@s de 4º,5º y 6º tuvieron plantando na mesa de cultivu y tamién fixeron unos maceteros colgantes reciclando botelles de plásticu. Tuvo bien guapa l'actividá y esperamos qu'espolleten rápido. Equí vos dexamos unes fotos de l'actividá.