Durante'l día d'hoi, los escolin@s de 4º, 5º y 6º tuvimos faciendo d'entrevistadores na Residencia del Montepío. A pesar de que llevabemos una bona retafila d'entrugues preparaes pa facer, nun se pudo impedir que xurdieran munches más, porque los Residentes taben percontent@s de poder cuntar la so vida y los rapazos dispuestos a escuchala. Foi una actividá mui emotiva y guapa. Disfrutaron muncho de la compañía y la conversación, tanto mayores como pequeños. Esta xornada foi la primer parte de l'actividá, yá qu'agora, los neño@s, redactarán la biografía de la persona a la qu'entrevistaron y-yos la regalarán de recuerdu. Esta actividá tan guapa, forma parte del "Proyecto Vivenvias" que tamos llevando a cabu, xunto cola Residencia, durante'l presente cursu escolar. Equí tenéis unes fotos del momentu de les entrevistes. ¡Qué vos presten!
No hay comentarios:
Publicar un comentario