Esta selmana paez que va d'estrenar la cosa... Amás del pasaporte llector de la nuesa biblio, tamién tamos d'estrena nel patiu. Con motivu del estrozu del polideportivu, decidimos mercar pa usu de tolos escolin@s unes casetines pa poner nel prau del patiu y, tamién, porque sabemos lo que-yos presta xugar a "Casetas" colos arbustos del patiu. Pero, una vez montaes, vimos que yeren un poco endebles pa dexales al aire llibre, y por mieu a que s'estropien mui rápido vamos dexales nel porche. Pedimos colaboración a tola comunidá educativa pa que se faga un usu responsable de les mesmes y evitar actos vandálicos. Si les cuidamos ente toos podremos esfrutales más tiempu. Equí vos dexamos unes fotos pa que veáis qué guapes son. ¡Ah! Y tenemos más sorpreses preparaes pal patiu, tamos trabayando nello...
No hay comentarios:
Publicar un comentario