Un añu más, llega una de les folixes que más nos presten: ¡l'Antroxu! Y esti añu llega cargáu de maxa... Y, ye que, algo sospechábemos cuando la selmana cabera llegara una curuxa con una montonera cartes pa ingresar na Escuela de Maxa y Fechidería de Hogwarts... L@s escolin@s aportaron coles sos capes, y el direutor Dumbledore dió la bienvenía a los nuevos aprendices de magos. Darréu se-yos punxo'l sombreru seleicionaor pa ver a qué casa pertenecíen, ellaboraron unes varites máxiques y fueron a la gueta d'Horrocruxes per tola escuela p'amuesar la so capacidá de fechideros. Depués de tou esti trabayu tocaba relaxase, asina que, fuimos hasta'l parque a echar unes carreres d'escobes volaores y al tornar pa la escuela, teníemos dientro esperándonos la pota máxica con chocolate y churros. Foi un día enllenu de maxa qu'esfrutamos a esgaya. Equí tenéis un vídiu coles fotos del día. ¡Qué vos presten!
No hay comentarios:
Publicar un comentario