Como yá tamos a puntín de dir a esquiar a la Selmana Blanca, hoi tuvimos la suerte de dir a visitar el Taller de Teleski, onde Alfonso y Laura, nos enseñaron les partes más importantes que componen un esquí y el mantenimientu que supón tenelos en buen estáu. Esti procesu lleva unos pasos perimportantes:
1º Enllenar los furacos que tengan les sueles con plástico derretío
2º Dibuxar la suela con una máquina que lleve dientro un diamante (dependiendo del tipo d'esquí que se vaya facer)
3º Afilar los cantos
4º Y, pa finar, encerar les sueles acordies cola dureza de la ñeve onde se van usar
Alfonso, tamién nos enseñó a poner, quitar y abrochar bien les botes d'esquí. Y pa rematar, Xurde, la mascota de la Estación Fuentes d'Iviernu, apaeció perellí pa danos una sorpresa. Hoi deprendimos munches coses interesantes pa poder esfrutar de la nuesa Selmana Blanca en condiciones.
No hay comentarios:
Publicar un comentario