¡Arrancamos la xira de Torna al Pasáu!

 El pasáu vienres 13 de mayu, l'Auditoriu Teodoru Cuesta de Mieres foi testigu de l'arrancaera de la xira teatral del Grupu Teatru CP Felechosa, qu'estrenó la so galardonada obra "Torna al Pasáu" ante'l públicu na V Gala Teatru Escolar n'Asturiano xunto col Grupu Teatru CP Returbiu. Foi un ésitu d'asistencia y l@s pequeñ@s actores y actrices pudieron amosar lo que tan bien saben facer. Un puntu de partida d'esta xira más que prestosu. Equí tenéis unes fotos del momentu de la representación. ¡Animámosvos a vinir a venos n'otra de les prósimes funciones!

Entrevista al "Grupu Teatru CP Felechosa" n'Alderiques d'Asturies

A finales del mes d'avientu, el programa Alderiques d'Asturies espublizó un reportaxe bien prestosu sobre'l teatru nes aules. Dientro d'esti reportaxe apondérase bien el trabayu que se fai nesta materia tanto na escuela de Returbiu de Mieres como na nuestra. Amás d'unes pequeñes entrevistes de los integrantes del Grupu Teatru del cursu 2018/2019. Equí vos dexamos el vídiu pa que lu esfrutéis tanto como nós.

¡¡De conciertu y a la Bolera!!

¿Habrá meyor plan que'l que pudimos esfrutar nel día d'ayer? Primero fuimos al Auditoriu Teodoru Cuesta de Mieres a ver un superconciertazu de la Banda Municipal de Música de Mieres, la cual preside la nuesa mayestra música, Belén; y, depués a deprender cómo se xuega a los bolos tradicionales asturianos, nuna auténtica bolera. Ellí nos recibió Pepín pa enseñanos les normes básiques del xuegu. ¡Munches gracies a Belén y a Pepín pol convide! Pasémoslo pipa. Equí vos dexamos unes fotos del día, ¡qué vos presten!

¡Esitazu na IV Gala de Teatru Escolar n'Asturiano!

Ayer a les 19.30 hores abríense les puertes del Auditoriu Teodoru Cuesta de Mieres pa recibir al públicu que vinía a ver la IV Gala de Teatru Escolar n'Asturiano qu'organizamos dende la escuela en colaboración cola Conceyalía de Cultura del Conceyu de Mieres. El Grupu Teatru del CP Felechosa yera'l primer en subise a les tables y facer les delicies de los asistentes que s'escacharraron de risa. Darréu, el Grupu Teatru del CP Returbiu continuaba col estrenu, ante'l gran públicu, de la so tamién premiada obra ¿Familia o trabayes? y cola que tocaron los corazoncinos del públicu. L@s nen@s tuvieron pletóric@s sobre l'escenariu y el públicu marchó encantáu. Tamién agradecer a Samuel Gradín, presentador y direutor d'Alderiques d'Asturies, que nos fixo d'anfitrión y conduxo la gala con munchu remangu. Y sobre too... ¡Gracies a tol@s que fuistis!

¡¡Nueva función de "P'allá del Más-Allá"!!

El Grupu Teatru del CP Felechosa tenemos el gustu d'aunciar una nueva función pa presentar la nuesa premiada obra "P'allá del Más-Allá". Tendrá llugar na IV Gala de Teatru Escolar n'Asturiano nel Auditoriu Teodoru Cuesta de Mieres. Xunto con nós tamién actuarán l@s neñ@s del Grupu Teatru del CP Returbiu presentando la so obra "¿Familia o trabayes?" La cita sedrá  a les 19.30 hores.

¿Vas perdétela?