Teatru "El Viaxe de Dorothy" y visita a La Laboral de Xixón

Hoi tuvimos un día mui completu. Namás entrar pela puerta la escuela garremos el bus y fuimos direutos pal Teatru de La Laboral de Xixón a ver una pieza teatral nomada "El Viaxe de Dorothy" íntegra n'asturiano. Taba basada nes aventures de Dorothy, la neña protagonista del Magu d'Oz. Cuando acabó la función, fuimos tolos neños a facer una visita guiada peles instalaciones de La Laboral, menos los neños de 6º, que se desplazaron al centru Xixón a facer una entrevista nel plató d'Alderiques d'Asturies, pola mor de la so xira teatral. Al acabar ambes actividaes comimos el pinchín toos xuntos y emprendimos viaxe de vuelta. Foi un día mui prestosu. Equí tenéis un vídiu coles fotos del día. ¡Qué vos preste!

¡Ah! Y equí tenéis l'enllaz del informativu de la tpa nel que salimos brevemente nel minutu 34.50.

 Aparición nel informativu de la TPA

¡¡Esitazu nel estrenu de "¡¡Pites sí, aves non!!"!!

Y por fin llegó'l día... Esti vienres 4, Día de les Lletres Asturianes, tuvo llugar l'estrenu de la nuesa obra "¡¡Pites sí, aves non!!" na III Gala de Teatru Escolar n'Asturiano nel Auditoriu Teodoru Cuesta de Mieres, xunto coles obres del CP Returbiu y el CP Las Vegas de Figareo. La gala tuvo perguapa y foi tou un ésitu. L'auditoriu taba hasta arriba y la xente esfrutó muncho. Munches gracies a toos por asistir y compartir con nosotros esi momentu tan importante. ¡¡Gracies!!

 

Gala d'entrega de Premios del V Certame de Teatru Escolar

Esta tarde, los escolin@s de sestu, les sos families y les maestres, dímonos cita nel Teatru de La Laboral de Xixón pa dir a recoyer los premios que nos otorgaron nel V Certame de Teatru Escolar n'Asturiano y Gallego-Asturiano. La gala tuvo perprestosa y divertía. Enantes de recoyer los premios pudimos ver les obres premiaes col Primer Premiu, tantu na categoría de Ed.Primaria como na d'Ed. Secundaria, y tamién los monólogos ganaores d'ambes categoríes. Dende equí aprovechamos pa felicitar a tolos premiaos. Pasémoslo perbién y prestónos muncho subir a recoyer los nuesos premios.

 

¡¡ESTRENAMOS YÁ!!

Esti vienres 4 de mayu a les 19.00 hores nel Auditoriu Teodoru Cuesta de Mieres nun vos escaezais de que tenéis una cita colos escolin@s de 6º y la so maestra Laura p'acompangalos nel estrenu de la so galardonada obra "¡¡Pites sí, aves non!!". Sedrá na III Gala de Teatru Escolar n'Asturiano na que tamién participarán los coles de Returbiu y Figareo. 

¡¡Nun podéis faltar!!

¡¡XIRA TEATRAL DEL CP FELECHOSA!!

Como yá vien siendo una tradición... El Grupu Teatru del CP Felechosa anunciamos xira teatral na que presentaremos la nuesa obra, galardonada col Premiu al Meyor Guión Orixinal pa Laura (la maestra) y el Premiu al Meyor Actor pa Pelayo, nel V Certame teatru Escolar n'asturianu, "Pites sí, aves non!!". 

 Los sitios y feches son los que vienen darréu:
- III Gala de Teatru Escolar n'Asturiano. Vienres 4 de mayu a les 19 h nel Auditoriu Teodoru Cuesta de Mieres. Cola participación del CP Returbiu y el CP Les Vegues de Figareo.
- Vienres 18 de mayu a les 20.00 hores nel Teatru Cine Carmen de Morea.
- Martes 22 de mayu a les 12.00 hores nel Teatru Cine Carmen de Morea pa tolos coles del Valle d'Ayer.
- Vienres 15 de xunu a les 11.30 hores nel salón d'actos de la Residencia del Montepío de Felechosa.

Vas perdételo?? Animáivos!!

TALLER PRIMEROS AUXILIOS

Hoi vino Mauricio a la escuela, un bomberu del Cuerpu de Bomberos d'Uviéu. Vino a cuntanos qué facer en casu d'emerxencia o accidente. Diónos unes pautes básiques pa saber cómo actuar en casu de qu'alguien tea sofriendo un percance. Gracies a estes téuniques podemos salva-y la vida a daquién. Amás pasémoslo perbién porque Mauricio yera mui simpáticu y nos lo cuntaba mui gracioso. Equí tenéis un vídiu coles semeyes de l'actividá. ¡Qué vos preste!

 

DÍA DEL LIBRO

La mañana de hoy ha sido muy especial, ya que hemos celebrado el Día del Libro. Lo hemos hecho en la Residencia del Montepío, ya que es una actividad enmarcada en el Proyecto Vivencias. El hilo conductor de la jornada ha sido el libro "El Color de la Arena" que cuenta cómo es la vida y la escuela de los niños saharauis. Además de leer el libro en voz alta con la proyección de sus ilustraciones, hemos realizado un pequeño coloquio en el que algunos residentes nos han contado cómo era la escuela cuando ellos eran pequeños. A continuación, Fatimetu, la presidenta de la Comunidad Saharaui Residente en Asturias (COSARA) nos explicó qué eran los campamentos de refugiados saharauis, cómo es la vida en ellos y cómo podemos ayudar a los niños saharauis. Después nos mostró ropas típicas y también nos enseñó a bailar un baile tradicional saharaui. Vino acompañada de Carlos, perteneciente a la Asociación de Amigos del Pueblo Saharaui en Asturias, que nos habló del proyecto que desarrollan para que niños refugiados puedan venir a pasar los meses de verano con familias asturianas. Para cerrar la jornada, terminamos las maquetas del desierto que habíamos empezado en el cole.

Aquí tenéis un video con las fotos de la jornada. ¡Qué lo disfrutéis!