¡¡Arrancamos Xira Teatral!!

 El Grupu Teatru tamos de norabona una vegada más, el vienres pasáu, Día de les Lletres Asturianes, diéronnos anuncia de que la nuesa obra "Esto ye mundial" ye ganadora del Premiu al Meyor Vestuariu y del Premiu a la Meyor Direición.

Aprovechamos p'anunciar la primer función de la xira que sedrá esti xueves 11 de mayu a les 19:00 hores nel Teatru Cine Carmen de Morea pa tolos públicos y a la mañana siguiente, dos pases pa l@s escolin@s de tol conceyu.

¡Animáivos a venir!

¡¡Arransando nel Certame de Teatru Escolar n'Asturiano!!

 Nun hubo meyor noticia pa recibir nel día Les Lletres Asturianes, que foi'l pasúa vienres 6 de mayu, que la de que'l Grupu Teatru Felechosa y la so maestra, Laura Prieto, algamaron nel VIII Certame de Teatru Escolar n'Asturiano y Gallego-Asturiano que convoca la Conseyería d'Educación: 

🥇Primer Premiu a la Meyor Obra teatral por "Torna al Pasáu"

🏆Premiu a la Meyor Actriz pa Catalina, la neña que fai de "Telvina".

🏆Premiu a la Meyor Escenografía.

🏆Premiu a la Meyor Direcición.

🏆Premiu al Meyor Testu pa Laura Prieto. 

Equí podéis ver el vídiu que se presentó al certame:

Amás, entamamos la xira presentando "Torna al Pasáu"📣📣

🎭La estrena: esti vienres 13 de mayu a les 19:30 hores nel Auditoriu Teodoru Cuesta de Mieres, na V Gala de Teatru Escolar n'Asturiano. ¿¿Vas perdételo??

Nun pasa nada, equí van les prósimes feches:

🎭Vienres 20 de mayu a les 20 hores, na Xunta d'Iniciatives de Caborana

🎭 Miércoles 25 de mayu n'horariu de mañana pa toles escueles del Conceyu d'Ayer nel Cine Carmen de Morea

🎭Xueves 26 de mayu a les 20 hores nel Cine Carmen de Morea

🎭 Llunes 13 de xunu a les 12 hores nel salón d'Actos de la Residencia del Montepío de Felechosa

🎉Anímate a venir a venos!🎉

El Cartelu del estrenu:

¡Presumiendo d'Eco-Escuela!

Esti martes, Aida y Belén, en representación de la nuesa escuela, fueron a la xornada inaugural de Cogersa na que presentaben algunos de los proyeutos que resultaron premiaos, pol so carauter innovador y pol so compromisu pa col mediuambiente, a cuntar la nuesa iniciativa "El mar empieza aquí" na que, xunto colos residentes del Montepío, grafiteemos con motivos marinos les alcantarielles del pueblu y coloquemos unes plaques pa recordar la importancia de nun tirar basures nelles. 

Gracies Aida y Belén por llevar el nome del CP Felechosa bien alto. Una manera mui prestosa d'entamar esti cursu 2021/2022.

¡Laura A. y Laura O. premiaes nel Concursu de los Humanitarios de San Martín!

Les nueses alumnes de sestu, Laura Alonso y Laura Ordóñez, resultaron premiaes nel Concursu de los Humanitarios de San Martín col trabayu sobre'l Camín de Santiago nel Conceyu d'Ayer. Hoi, acompañaes por Héctor, el maestru de Llingua, fueron a la Gala d'Entrega de Premios celebrada nel IES de Morea.

¡Norabona Laures!

¡Recibimos un premiu del concursu "UHU" pol nuestru proyectu Medioambiental!

Hoi nun podíemos tener meyor actividá pa dir despidiendo'l cursu que la de recibir el Primer Premiu del Concursu de "UHU" pol nuesu Proyectu Medioambiental nel que tuvimos inmersos durante toos estos meses. Tamos perarguyosos, nun solo por ganar, sinon poque fuimos seleiciona@s d'ente 1500 proyeutos participantes. En representación de la empresa "UHU" vino Jose, a danos entrega del Cartel col premiu, el cheque de 500€ y una Tablet. Aprovechamos la entrega d'esti premiu pa facer el repartu de les llechugues que tuvimos cultivando estes últimes selmanes y una bolsina con material escolar "UHU" pa cada neñ@. Equí vos dexamos unes semeyes del momentu y el vídiu que presentamos al Concursu explicando tolo que ficimos durante esti cursu col nuesu Proyectu Medioambiental ¡Qué vos presten!

Vídiu del Proyectu Medioambiental:

¡Nuestra casa eficiente premiada!

L@s alumn@s de todos los cursos de nuestro cole han estado elaborando durante varios meses una maqueta de lo que sería una buena casa eficiente y respetuosa con el Medioambiente. Les ha quedado muy chula y, además, ha resultado premiada en el Concurso Ener-Nalón. La semana pasada un grupo de ell@s fueron en representación a recoger el Premio y a explicar todo el equipamiento de la casa. ¡Enhorabuena a tod@s por el gran trabajo!

Gala d'entrega Premios nel Teatru Palaciu Valdés d'Avilés

Ayer, el Grupu Teatru del CP Felechosa, acompangaos de familiares y maestres, asistieron a la Gala d'Entrega de Premios organizada pela Conseyería d'Educación y Ciencia pa recoyer dos de los galardones pola so obra teatral P'Allá del Más-Allá. Amás pudimos ver los monólogos y les obres premiaes colos primeros premios ellí en direutu. Dende equí aprovechamos pa dar la norabona a tol@s premia@s nesti Certame.

¡¡PREMIA@OS NEL VI CERTAME DE TEATRU ESCOLAR N'ASTURIANO!!

Hoi marchamos de vacaciones con bon sabor de boca y ye que tamos acabantes de conocer que fuimos premia@os col Tercer Premiu a la Meyor Obra y el Premiu a la Meyor Actriz pa Nerea, pol so papel de "Delina" na obra P'allá del "Más-Allá" que presentó'l Grupu Teatru del CP Felechosa, baxo la Direición de Laura, al VI Certame de Teatru Escolar n'Asturiano y Gallego-Asturiano que convoca la Conseyería d'Educación y Ciencia del Principáu d'Asturies con motivu de la XL Selmana de les Lletres Asturianes. ¡¡Norabona a los actores y actrices!! 

En breve, anunciaremos les feches de la xira teatral na que taremos inmers@s nos prósimos meses, pero de momentu, pa dir abriendo boca, dexámosvos el vídiu que presentemos al certame. ¡¡Qué vos preste!!

¡¡Premiaos nel Concursu Escolar de los Humanitarios de San Martín!!

Los escolin@s del CP Felechosa tamos de norabona, y ye que, fuimos galardona@s col Primer Premiu nel concursu, que tolos años Los Humanitarios convoquen con motivu de la fiesta del San Martín, col trabayu "Conociendo a Lucía García", una entrevista fecha por 3º, 4º, 5º y 6º. Amás los escolin@s d'infantil, 1º y 2º fixeron unos murales perguapos imaxinando nun primer momentu quién podría ser Lucía. Equí vos dexamos unes semeyes de la esposición que llució estes selmanes na entrada la escuela con dellos trofeos de Lucía y los murales de los peques Tamién vos dexamos l'enllaz al vídiu cola entrevista. ¡Qué vos preste!

¡¡XIRA TEATRAL DEL CP FELECHOSA!!

Como yá vien siendo una tradición... El Grupu Teatru del CP Felechosa anunciamos xira teatral na que presentaremos la nuesa obra, galardonada col Premiu al Meyor Guión Orixinal pa Laura (la maestra) y el Premiu al Meyor Actor pa Pelayo, nel V Certame teatru Escolar n'asturianu, "Pites sí, aves non!!". 

 Los sitios y feches son los que vienen darréu:
- III Gala de Teatru Escolar n'Asturiano. Vienres 4 de mayu a les 19 h nel Auditoriu Teodoru Cuesta de Mieres. Cola participación del CP Returbiu y el CP Les Vegues de Figareo.
- Vienres 18 de mayu a les 20.00 hores nel Teatru Cine Carmen de Morea.
- Martes 22 de mayu a les 12.00 hores nel Teatru Cine Carmen de Morea pa tolos coles del Valle d'Ayer.
- Vienres 15 de xunu a les 11.30 hores nel salón d'actos de la Residencia del Montepío de Felechosa.

Vas perdételo?? Animáivos!!

¡¡PREMIAOS NEL V CERTAME DE TEATRU ESCOLAR N'ASTURIANO!!

Un añu más los escolin@s de 6º, xunto cola so mayestra Laura, prepararon una obra teatral pa presentase con ella al V Certame de teatru Escolar n'Asturiano y Gallego-Asturiano, y un añu más tenemos l'allegría d'anunciavos que volvemos tar premiaos. Nesta ocasión con dos galardones: el Premiu al Meyor Actor, pa Pelayo pol so papel de Gratulino; y el Premiu al Meyor Guión Orixinal, pa Laura (la maestra). El día 3 de mayu a les 18.00 hores taremos nel Teatru de La Laboral de Xixón pa recoyer los premios y pa ver a les obres seleicionaes. Dende equí, queremos felicitar y dar la norabona a tolos premiaos. 

Yá sabéis que tenemos xira teatral preparada, y dentro d'unos díes anunciaremos les feches y llugares. Pero mientres tantu, pa dir abriendo boca, podéis ver el vídiu que presentemos al concursu. ¡Qué vos preste!

¡¡CONOCEMOS A "LES LUTHIERS" Y A LOS "ALL BLACKS"!!

Este miércoles ha sido un día muy ajetreado para los alumnos de 6º de primaria, y es que, nos hemos tenido que dividir para estar en dos sitios a la vez. 

Laura Alonso, Laura Rodríguez y Carlos se fueron al cole de Noreña a representar el "Inventario" de palabras, que toda la clase había elaborado, y compartirlo con otros coles y con "Les Luthiers", los galardonados con el Premio Princesa de Asturias de Comunicación y Humanidades. Al mismo tiempo Esteban, Pedro, Félix, Samuel y Pelayo se fueron en representación de toda la clase a las Mestas de Gijón a presentar el "Protocolo de Deportividad" que habían elaborado todos juntos y a disfrutar de una de mini-liga de partidos de rugby con todos los coles participantes, y como no, a conocer a parte de los jugadores de la Selección de Nueva Zelanda de Rugby, los "All Blacks", ganadores del premio Princesa de Asturias de Deportes. Aunque fue una mañana muy intensa nos lo pasamos en grande. Aquí os dejamos una selección de fotos de ambos eventos. ¡Qué las disfrutéis!

Campus Small Blacks na escuela

Durante les caberes selmanes tuvimos participando nes actividaes que propusieron dende la Fundación Princesa d'Asturies con motivu de los premios d'esti añu 2017. Na seición de deportes, esti añu'l premiu ye pa la Selección de Nueva Zelanda de Rugby, los "All Blacks" y hoi, tuvimos una visita perespecial na escuela. Vino Borja, un entrenador de Rugby a facenos una demostración de cómo ye un entrenamientu de los que faen los "All Blacks". Pa facer un pocoñín más de bultu y compartir la esperiencia con alguien más, convidemos a los neños de les escueles d'Oyanco y Piñeres y equí tuvimos durante una hora y media sudando la camiseta toos xuntos. 

Equí vos dexamos unes fotos de l'actividá. ¡Qué vos presten!

RECOYIDA DE PREMIOS NA LABORAL

Como yá va siendo vezu, y bien prestosu, la nuesa cita na Gala d'entrega de premios del IV Certame de Teatru Escolar en Llingua Asturiana y Gallego-Asturiano nel Teatru de Laboral de Xixón, tuvo llugar ayer día 4 de mayu a eso de les 18.00 de la tarde. Depués de ver les obres premiaes col Primer Premiu nes categoríes de Educación Primaria, de la ESO y de Monólogu, que por ciertu, tuvieron perbién, llegó l'ansiáu momentu nel que xubiemos a recoyer los nuesos premios d'esti añu: El Premiu al Meyor Testu Orixinal, el Premiu al Meyor Actor y el Premiu al Meyor Vestuariu.

Norabona a tolos premiaos y munches gracies otra vuelta polos premios concedíos a la nuesa obra "Anovase o morrer".

Escolinos premiaos nel XIX Certame de creación artística/lliteraria

Hai yá cosa d'un mes, la Conseyería d'Educación y la Oficina de Política Llingüística sacaba'l "XIX Certame de creación artística/lliteraria" con motivu de la 36 Selmana de les Lletres Asturianes, y como nun podía ser d'otra mena, los escolin@s de primaria presentábense a esti concursu con una redaición sobre una de les "pallabres más prestoses n'asturiano" qu'ellos escoyíen; y, per otru llau, los neños d'infantil presentábense con un dibuxu sobre la "pallabra pretosa" qu'a ellos más gracia-yos fixera.

¡¡Hoi, dábennos la bona noticia de que, ente los participantes del nuesu cole, hai dellos ganadores!!

En categoría de 3 años, tenemos a:

Julia Ordóñez Carballo col Primer Premiu col so dibuxu "Caparina"  

Martín Cortizo de Díaz col Tercer Premiu col so dibuxu "Gayoleru"

Na categoría de 4 años, tenemos a:

Celia Tuñón Cortizo col Primer Premiu pol so dibuxu "Cascoxu"

Y na categoría de 5 años, tenemos a:

Andrés Megido González col Primer Premiu, pol so dibuxu "Asturies"

¡¡Norabona a los nuesos premiaos, y por supuestu, a tolos demás que participaron, que tamién lo fixeron perbién!!

La entrega premios va facese'l vienres 8 de mayu a les 12.00h nel Colexu Manuel Martínez Blanco de Xixón.

Equí vos dexamos l'enllaz de la noticia: http://www.educastur.es/index.php?option=com_content&task=view&id=6422&Itemid=237

En cuantes nos unvíen de vuelta los dibuxos, xubiremos una semeya de los ganadores.

Salú.