¡¡Arrancamos Xira Teatral!!

 El Grupu Teatru tamos de norabona una vegada más, el vienres pasáu, Día de les Lletres Asturianes, diéronnos anuncia de que la nuesa obra "Esto ye mundial" ye ganadora del Premiu al Meyor Vestuariu y del Premiu a la Meyor Direición.

Aprovechamos p'anunciar la primer función de la xira que sedrá esti xueves 11 de mayu a les 19:00 hores nel Teatru Cine Carmen de Morea pa tolos públicos y a la mañana siguiente, dos pases pa l@s escolin@s de tol conceyu.

¡Animáivos a venir!

¡¡Arransando nel Certame de Teatru Escolar n'Asturiano!!

 Nun hubo meyor noticia pa recibir nel día Les Lletres Asturianes, que foi'l pasúa vienres 6 de mayu, que la de que'l Grupu Teatru Felechosa y la so maestra, Laura Prieto, algamaron nel VIII Certame de Teatru Escolar n'Asturiano y Gallego-Asturiano que convoca la Conseyería d'Educación: 

🥇Primer Premiu a la Meyor Obra teatral por "Torna al Pasáu"

🏆Premiu a la Meyor Actriz pa Catalina, la neña que fai de "Telvina".

🏆Premiu a la Meyor Escenografía.

🏆Premiu a la Meyor Direcición.

🏆Premiu al Meyor Testu pa Laura Prieto. 

Equí podéis ver el vídiu que se presentó al certame:

Amás, entamamos la xira presentando "Torna al Pasáu"📣📣

🎭La estrena: esti vienres 13 de mayu a les 19:30 hores nel Auditoriu Teodoru Cuesta de Mieres, na V Gala de Teatru Escolar n'Asturiano. ¿¿Vas perdételo??

Nun pasa nada, equí van les prósimes feches:

🎭Vienres 20 de mayu a les 20 hores, na Xunta d'Iniciatives de Caborana

🎭 Miércoles 25 de mayu n'horariu de mañana pa toles escueles del Conceyu d'Ayer nel Cine Carmen de Morea

🎭Xueves 26 de mayu a les 20 hores nel Cine Carmen de Morea

🎭 Llunes 13 de xunu a les 12 hores nel salón d'Actos de la Residencia del Montepío de Felechosa

🎉Anímate a venir a venos!🎉

El Cartelu del estrenu:

¡Ganadores nel VII Certame de Teatru Escolar!

 Depués de los caberos meses marcaos pola situción sanitaria, que punxo pates arriba la nuesa vida y la vida de la nuesa escuela, entamamos un nuevu cursu enllenu de novedaes, pero con una mui bona noticia. Y ye que, tamos acabantes de conocer el fallu del xuráu que nos concede'l Primer Premiu na categoría d'Educación Primaria, el Premiu al Meyor Vestuariu y el Premiu a la Meyor Actriz pa Laura A, pol so papel de la Señora M, na obra "La caleya que garró'l Pitu" protagonizada pol Grupu Teatru del CP Felechosa y escrita y dirixía pola so maestra Laura.

Esti reconocimientu, ye daqué más especial qu'otros años, teniendo en cuenta les circunstancies, un tantu difíciles, que nos tocaron en plenu procesu d'ensayu y grabación de la obra. Poro, tamos percontent@s por algamar estos galardones.

Y pa que la podáis esfrutar tanto como nós, dexámosvos equí l'enllaz a la nuesa cana de YouTube pa que podáis echa-y una güeyada. ¡Qué vos preste!

Gala d'entrega Premios nel Teatru Palaciu Valdés d'Avilés

Ayer, el Grupu Teatru del CP Felechosa, acompangaos de familiares y maestres, asistieron a la Gala d'Entrega de Premios organizada pela Conseyería d'Educación y Ciencia pa recoyer dos de los galardones pola so obra teatral P'Allá del Más-Allá. Amás pudimos ver los monólogos y les obres premiaes colos primeros premios ellí en direutu. Dende equí aprovechamos pa dar la norabona a tol@s premia@s nesti Certame.

¡¡PREMIA@OS NEL VI CERTAME DE TEATRU ESCOLAR N'ASTURIANO!!

Hoi marchamos de vacaciones con bon sabor de boca y ye que tamos acabantes de conocer que fuimos premia@os col Tercer Premiu a la Meyor Obra y el Premiu a la Meyor Actriz pa Nerea, pol so papel de "Delina" na obra P'allá del "Más-Allá" que presentó'l Grupu Teatru del CP Felechosa, baxo la Direición de Laura, al VI Certame de Teatru Escolar n'Asturiano y Gallego-Asturiano que convoca la Conseyería d'Educación y Ciencia del Principáu d'Asturies con motivu de la XL Selmana de les Lletres Asturianes. ¡¡Norabona a los actores y actrices!! 

En breve, anunciaremos les feches de la xira teatral na que taremos inmers@s nos prósimos meses, pero de momentu, pa dir abriendo boca, dexámosvos el vídiu que presentemos al certame. ¡¡Qué vos preste!!

Teatru "El Viaxe de Dorothy" y visita a La Laboral de Xixón

Hoi tuvimos un día mui completu. Namás entrar pela puerta la escuela garremos el bus y fuimos direutos pal Teatru de La Laboral de Xixón a ver una pieza teatral nomada "El Viaxe de Dorothy" íntegra n'asturiano. Taba basada nes aventures de Dorothy, la neña protagonista del Magu d'Oz. Cuando acabó la función, fuimos tolos neños a facer una visita guiada peles instalaciones de La Laboral, menos los neños de 6º, que se desplazaron al centru Xixón a facer una entrevista nel plató d'Alderiques d'Asturies, pola mor de la so xira teatral. Al acabar ambes actividaes comimos el pinchín toos xuntos y emprendimos viaxe de vuelta. Foi un día mui prestosu. Equí tenéis un vídiu coles fotos del día. ¡Qué vos preste!

¡Ah! Y equí tenéis l'enllaz del informativu de la tpa nel que salimos brevemente nel minutu 34.50.

 Aparición nel informativu de la TPA

Gala d'entrega de Premios del V Certame de Teatru Escolar

Esta tarde, los escolin@s de sestu, les sos families y les maestres, dímonos cita nel Teatru de La Laboral de Xixón pa dir a recoyer los premios que nos otorgaron nel V Certame de Teatru Escolar n'Asturiano y Gallego-Asturiano. La gala tuvo perprestosa y divertía. Enantes de recoyer los premios pudimos ver les obres premiaes col Primer Premiu, tantu na categoría de Ed.Primaria como na d'Ed. Secundaria, y tamién los monólogos ganaores d'ambes categoríes. Dende equí aprovechamos pa felicitar a tolos premiaos. Pasémoslo perbién y prestónos muncho subir a recoyer los nuesos premios.

 

¡¡ESTRENAMOS YÁ!!

Esti vienres 4 de mayu a les 19.00 hores nel Auditoriu Teodoru Cuesta de Mieres nun vos escaezais de que tenéis una cita colos escolin@s de 6º y la so maestra Laura p'acompangalos nel estrenu de la so galardonada obra "¡¡Pites sí, aves non!!". Sedrá na III Gala de Teatru Escolar n'Asturiano na que tamién participarán los coles de Returbiu y Figareo. 

¡¡Nun podéis faltar!!

¡¡XIRA TEATRAL DEL CP FELECHOSA!!

Como yá vien siendo una tradición... El Grupu Teatru del CP Felechosa anunciamos xira teatral na que presentaremos la nuesa obra, galardonada col Premiu al Meyor Guión Orixinal pa Laura (la maestra) y el Premiu al Meyor Actor pa Pelayo, nel V Certame teatru Escolar n'asturianu, "Pites sí, aves non!!". 

 Los sitios y feches son los que vienen darréu:
- III Gala de Teatru Escolar n'Asturiano. Vienres 4 de mayu a les 19 h nel Auditoriu Teodoru Cuesta de Mieres. Cola participación del CP Returbiu y el CP Les Vegues de Figareo.
- Vienres 18 de mayu a les 20.00 hores nel Teatru Cine Carmen de Morea.
- Martes 22 de mayu a les 12.00 hores nel Teatru Cine Carmen de Morea pa tolos coles del Valle d'Ayer.
- Vienres 15 de xunu a les 11.30 hores nel salón d'actos de la Residencia del Montepío de Felechosa.

Vas perdételo?? Animáivos!!

¡¡PREMIAOS NEL V CERTAME DE TEATRU ESCOLAR N'ASTURIANO!!

Un añu más los escolin@s de 6º, xunto cola so mayestra Laura, prepararon una obra teatral pa presentase con ella al V Certame de teatru Escolar n'Asturiano y Gallego-Asturiano, y un añu más tenemos l'allegría d'anunciavos que volvemos tar premiaos. Nesta ocasión con dos galardones: el Premiu al Meyor Actor, pa Pelayo pol so papel de Gratulino; y el Premiu al Meyor Guión Orixinal, pa Laura (la maestra). El día 3 de mayu a les 18.00 hores taremos nel Teatru de La Laboral de Xixón pa recoyer los premios y pa ver a les obres seleicionaes. Dende equí, queremos felicitar y dar la norabona a tolos premiaos. 

Yá sabéis que tenemos xira teatral preparada, y dentro d'unos díes anunciaremos les feches y llugares. Pero mientres tantu, pa dir abriendo boca, podéis ver el vídiu que presentemos al concursu. ¡Qué vos preste!

Book-trailers de los escolin@s de 6º de Primaria

Los escolin@s de 6º nun solo facemos teatru nes clases de L.lingua, sinon que tamién facemos actividaes tan prestoses como cola que zarramos el cursu: Con motivu de la 38º Selmana de les Lletres Asturianes, espublizóse una antoloxía con testos escritos por muyeres. D'esa antoloxía ficimos una esbilla de cinco testos, y por pareyes, diseñóse un Book-trailer pa caún de los testos.

Los resultaos fueron perguapos y curiosos. Equí vos los dexamos pa que los esfrutéis. 

Book-trailer de Miguel y Paola, pal testu "Estrenamos":

Book-trailer de Raúl y Vane, pa testu "De nueche":

Book-trailer de Sergio y Selena, pal testu "Sorda":

Book-trailer d'Ángel y María, pal testu "La muerte son dos culiebres":

Book-trailer de David y Arantxa, pal testu "Telva":

ESTRENU "ANOVASE O MORRER" NEL TEATRU CINE CARMEN DE MOREA

El vienres 12 a les 20.00 hores "Anovase o Morrer" daba'l saltu primeru al escenariu de la mano de los escolin@s de 6º y de la so maestra, Laura. L'estrenu, pese a los nervios de los actores y actrices y tamién de les maestres, foi un ésitu. Conforme se diben dando les primeres frases del testu los nervios diben desaniciándose y los neños entamaben a esfrutar como enanos. Al finar, la xente españó n'aplausos a los que siguieron les felicitaciones. Ye'l motivu pol que marchemos percontentos pa casa y queremos dar les gracies a tolos que nos sofitáis nesti proyeutu y a tolos que quisistis compartir esi momentu tan especial con nós. ¡¡Gracies!!

Amás hoi tuvimos la suerte de que nos vinieren a entrevistar a la escuela la TPA. Dexámosvos l'enllaz de la entrevista y unes semeyes del día del estrenu. ¡Qué vos preste!

Enllaz a la entrevista TPA

RECOYIDA DE PREMIOS NA LABORAL

Como yá va siendo vezu, y bien prestosu, la nuesa cita na Gala d'entrega de premios del IV Certame de Teatru Escolar en Llingua Asturiana y Gallego-Asturiano nel Teatru de Laboral de Xixón, tuvo llugar ayer día 4 de mayu a eso de les 18.00 de la tarde. Depués de ver les obres premiaes col Primer Premiu nes categoríes de Educación Primaria, de la ESO y de Monólogu, que por ciertu, tuvieron perbién, llegó l'ansiáu momentu nel que xubiemos a recoyer los nuesos premios d'esti añu: El Premiu al Meyor Testu Orixinal, el Premiu al Meyor Actor y el Premiu al Meyor Vestuariu.

Norabona a tolos premiaos y munches gracies otra vuelta polos premios concedíos a la nuesa obra "Anovase o morrer".

¡¡PREMIAOS OTRA VUELTA NEL IV CERTAME DE TEATRU ESCOLAR!!

Bono, a xulgar por estos últimos cursos, paez que yá se ta convirtiendo en vezu anunciar esti tipu de nueves, pero un vezu bien prestosu. Y ye que, un cursu más, el nuesu cole y los nuesos escolin@s del sestu cursu, tienen una bona recompensa al so esfuerciu y trabayu. Esti añu participemos cola obra "Anovase o morrer" nel IV Certame de Teatru Escolar en Llingua Asturiana y Gallego-Asturiano que propón la Conseyería d'Educación y Cultura d'Asturies, y fuimos galardonaos col Premiu al Meyor Testu Orixinal, el Premiu al Meyor Actor (Pa David) y el Premiu al Meyor Vestuariu.

Esti añu, nun tuvimos la suerte de representar el nuesu trabayu nel Teatru de La Laboral de Xixón, pero ellí taremos el prósimu xueves 4 de mayu a les 18.00 hores na gala de recoyida de premios pa garrar los nuesos.

Amás taivos sollertes porque en breve espublizaremos les feches de les prósimes actuaciones que fadremos nos teatros de la comarca. De momentu, pa dir abriendo boca, dexámosvos el vídiu de la obra que grabemos pa participar nel certame. 

¡Naguamos que vos preste! 

Álbumes illustraos

Los escolinos del aula de cuartu, quintu y sestu cursu d'E.P, tuvieron nes últimes selmanes inmersos na creación d'unos orixinales álbumes illustraos col sofitu d'una ferramienta online nomada "Storybird" na que puen facer usu de delles illustraciones pa confeccionar álbumes o cuentos illustraos. 

Equí vos dexamos los enllances a les obres lliteraries de los rapacinos: 

Álbum de Sandra y Laura:

Álbum de Laura R. y Paola:

Álbum de Selena y Vanesa:

Álbum de Sergio y David:

Álbum de Raúl y María:

Álbum de Pedro y Ángel:

Álbum de Marcos y Saúl:

¡Naguamos que vos presten!

Salú.

XXXVI SELMANA DE LES LLETRES ASTURIANES

Celebramos la  XXXVI Selmana de les Lletres Asturianes ente’l 2 y el 10 de mayu, polo que’l Día de les Lletres Asturianes va ser el vienres 8. El lema escoyíu nesta ocasión ye ‘Semar palabres, texer futuru’.

Esti añu la Selmana de les Lletres nun va centrase na figura de nengún escritor o xéneru lliterariu y va facelo nes pallabres y na creación escolar. 

Asina que los microrrellatos y dibuxos ganadores del XX Certame de Creación Artística/Lliteraria’, nel que resultaron premiaos Julia, Martín, Celia y Andrés d' E.I,  van protagonizar el llibru ‘Blimes nueves, bringas novas’, que va distribuyise de baldre nel Día del Llibru y el Discu n’Asturianu, coincidente col Día de les Lletres Asturianes.

Dexámosvos equí un enllaz a la noticia http://asturies.com/noticies/principia-la-selmana-de-les-lletres-asturianes