¡¡Puxa l'Amagüestu Interxeneracional!!

Hoi tuvimos de celebración: ¡¡L'Amagüestu Interxeneracional xunto colos residentes del Montepío!! Depués de que María y Andrés abrieran l'actu col pregón, tuvimos nun taller perguapu coles filanderes de Trebeyos que nos aprendieron a tratar, filar y teñer llana. Depués preparemos los cucuruchos pa les castañes, pero enantes, xuguemos a dellos xuegos tradicionales. Al acabar yá nos pusimos a beber zusmiu mazana y comer castañes asaes. ¡Pasémoslo perbién! Esti amagüestu interxeneracional ta enmarcáu dientro del Proyeutu Vivencies que facemos dende la escuela cola Residencia. Equí vos dexamos unes fotos de la xornada. ¡Que vos presten!

Presumiendo del Grupu Teatru del CP Felechosa

Ayer xueves, la maestra de Llingua Asturiana de la nuesa escuela, Laura, tuvo dando unes charres n'Uviéu nunes xornaes d'innovación educativa pa un garrapiellu de maestr@s de llingua, y cuntando la trayeutoria de la escuela nel Certame de Teatru Escolar, el funcionamientu del Grupu Teatru C.P. Felechosa y la so xira. Amás tamién tuvo cuntando delles actividaes bien prestoses que los neños y neñes faen na clase de llingua. ¡Cómo presta presumir d'alumn@s!

¡Facemos l'Árbol de la Vida!

Hoi, con motivu de la nuesa inmersión nel Proyeutu de Reciclaxe, ficimos la primer actividá, de les munches que tenemos previstes pa tol cursu, pa crear una "Eco-Conciencia" nel nuesu entornu. L@s escolin@s llevaron pa casa una etiqueta en blanco pa que coles sos families escribieren nella lo que significa pa ell@s reciclar y pel otru llau adornalo con un dibuxu. Y hoi, to@ xunt@s les pusimos en común y les xuncimos con un cordelín pa poder da-y la forma del árbol. Equí tenéis unes semeyes del momentu. ¡Qué vos presten!

¡¡Premiaos nel Concursu Escolar de los Humanitarios de San Martín!!

Los escolin@s del CP Felechosa tamos de norabona, y ye que, fuimos galardona@s col Primer Premiu nel concursu, que tolos años Los Humanitarios convoquen con motivu de la fiesta del San Martín, col trabayu "Conociendo a Lucía García", una entrevista fecha por 3º, 4º, 5º y 6º. Amás los escolin@s d'infantil, 1º y 2º fixeron unos murales perguapos imaxinando nun primer momentu quién podría ser Lucía. Equí vos dexamos unes semeyes de la esposición que llució estes selmanes na entrada la escuela con dellos trofeos de Lucía y los murales de los peques Tamién vos dexamos l'enllaz al vídiu cola entrevista. ¡Qué vos preste!

¡¡Celebrando Halloween!!

El pasáu martes 30 d'ochobre, a pesar de les inclemencies del tiempu, celebramos na escuela Halloween/Nueche d'Ánimes y pasémoslo perbién. Vinimos toos, maestr@s y neñ@s mazcaritaos de coses espantibles y depués ficimos munches actividaes y xuegos relacionaes con esta festividá: vimos la peli de Coco, ficimos una gymkana de seres mitolóxicos asturianos espantibles, ficimos un circuitu de xuegos temáticos y depués nos regalaron una galleta-lápida casera que nos fizo Aida, la maestra d'A.L. Foi un día perguapu y prestónos pela vida. Equí tenéis un vídiu coles fotos de la xornada. ¡Qué vos preste!

¡Decoración de Halloween!

Ya llega la noche más terrorífica del año... La Noche de Difuntos, Halloween, Samaín... Y en el cole ya estamos preparídisimos para celebrarla. Aquí os dejamos un video con un recorrido por nuestra decoración.

¡Que lo disfrutéis!

¡Novedá na Morada del Chamusca-L.libros!

Na Morada del Chamusca-L.libros tamos d'estrena y él encantáu... Y ye que tenemos un nuevu arbolín nel que pue tar cañicándose mientres llee los cuentos que más-y presten.

¡Mirái qué guapo quedó y que contentu ta'l nuesu Dragonín Chamusca-L.libros!