Como bien sabéis toos y toes, nesta escuela apostamos fuerte pel cuidáu y la concienciación pa col Mediu-Ambiente, y ye que, nun solo nos conformamos coles trés R (Reducir, Reciclar y Reutilizar) sinon, qu'agora vamos a da-y duro a una cuarta R, la de Recoyer. Ye necesario que tomemos conciencia de la cantidá de basura qu'anda tirada pelos praos, ríos, cais y mares. Dende la nuesa escuela, apostamos pola recoyida de basures y tamién pola concienciación nel nuesu entornu d'esta R tan importante. Pa ello, amás de salir a recoyer pel entornu de xemes en cuando, fiximos una pequeña inversión pa fabricar unos cartelos qu'ayuden a esa concienciación y qu'ayer mesmo tuvimos colgando ente toos nes valles de la escuela. Equí tenéis unes fotos del momentu.
No hay comentarios:
Publicar un comentario