Como yá ye costume na nuesa escuela, esti vienres celebremos "l'eco-vienres", que consisti en que tolos vienres caberos del mes, dende la escuela fagamos una serie d'actividaes y visionemos un garrapiellu curtiometraxes, documentales o imáxenes que nos ayuden a crear conciencia sobre la importancia de tener un consumu responsable, de reciclar, de reducir, de reutilizar y, sobre too, de recoyer los nuestros desfechos, acompangao d'una actividá prestosa pa motivar a los escolin@s. Esti vienres tocó ver cómo'l plásticu que flota nos mares y océanos va descomponiéndose hasta ser inxerío polos pexes que depués nosotros comemos y tamién falemos de la obsolescencia programada. Acabemos la sesión cola realización d'unos cartelos pa poner pela escuela y pel pueblu nel qu'anunciamos el nuevu contenedor que tenemos pa recoyer l'aceite usao. Equí tenéis unes fotos de l'actividá.
No hay comentarios:
Publicar un comentario