Un añu más celebremos to@s xunt@s na escuela y pel pueblu l'Antroxu. Esta vegada convertímonos en Pirates, pero non unos pirates cualisquiera... Fuimos los "Pirates del Reciclaxe". Y ye que yá tamos fartuc@s d'andar pela mar y andar atopando basura y plásticos que contaminen y faen mal pa los animalinos que viven nella. Asina que tiremos la rede al agua y pesquémos un montón d'envases que aprovechemos pa tirar nel contenedor mariellu al nuesu pasu pel parque de Felechosa. Amás, como nun pue haber Antroxu ensin frixuelos, xubimos hasta la Residencia a que Nieves, una de les Residentes, nos deprendiera a facelos y depués, comímoslos con un chocolate bien caliente. ¡Foi un Antroxu perprestosu! Equí tenéis un vídiu con toles semeyes de la celebración, ¡esfrutáilu!
No hay comentarios:
Publicar un comentario