8M. Compañera, dame tira.

Nesta fecha tan importante dende la escuela ficimos alcordanza del porqué de celebralo un 8 de marzu, del porqué del color moráu y de la importancia de siguir na llucha pola igualdá. Cantemos y acompañemos con percusión l'himnu d'esti 8M "Compañera, dame tira" y coloreemos una escoba pa colocar na nuesa pancarta.

¡Coles manes na masa!

 Pa poner el ramu a les actividaes del Antroxu, nun sé nos ocurrió meyor manera que... ¡facer unos frixuelinos!

Amanda, la mayestra de Llingua, esplicónos la receta y nós per equipos, punxímonos manes a la masa. La verdá que mos quedaron perbonos. ¡Tamos fechos un@s cocinerin@s!

Cuentos de Maleta

 Esta selmana visitáronnos Leticia y Gaspar colos sos Cuentos de Malera, pa cuntanos a través de marionetes, una lleenda Bereber, la hestoria de Sheina, una muyer fuerte que decide marchar de la so tierra pa poder vivir llibre ensin que naide la xulgue nin la faga sintir mal. Darréu, l@s neñ@s pudieron fabricar les sos propies marionetes con materiales naturales y teles africanes, asina como los decoraos y les casines pa poder facer los sos propios teatrinos. Tuvo bien prestosa la xornada. Equí vos dexamos unes semeyes del día.

Vivencies: xuegos d'ayer, hoi y siempre

 Na actividá correspondiente al mes de xineru del Proyeutu Interxeneracional Vivencies tocó-yos a l@s Residentes facemos una visita na escuela. Aprovechemos pa facer un circuitín de xuegos tradicionales, de los que xugaron ell@s cuando fueron pequeñ@s y qu'inda hoi tienen presencia, anque ca vez menos. Los equipos formaos por neñ@s y residentes fixo l'actividá muncho más inclusiva, adautándose a tolos ritmos de los integrantes pa poder esfrutar toos por igual.

Siguimos compartiendo tiempu, siguimos compartiendo Vivencies.

¡Puxa l'Antroxu!

 Esti añu, siguimos cola temática "De Cine" y pal Antroxu y escoyimos una película bien prestosa que fala de les emociones y lo importantes que son toes elles pa una bona salú mental: "Del Revés". Ca aula antroxamos d'una emoción: Infantil de Mieu; 1º y 2º d'Ira; 3º y 4º d'Alegría: 5º y 6º d'ascu; y l@s nen@s de la escuelina de Bello de tristeza.

Tuvimos un garrapiellu d'actividaes temátiques sobre les emociones, una chocolatada con churros y, como non, un desfile pel pueblu pa lucir el mazcaritu.

Equí vos dexamos unes semeyes de la celebración. ¡Qué vos preste!

¡Esquiando en Fuentes!

Depués del temporal salió'l sol para respetanos la nuesa Selmana Blanca. Tuvimos unos díes perguapos na estación de Fuentes d'Iviernu y l@s neñ@s pasáronlo en grande esquiando. Equí vos dexamos una preba d'ello.

Celebramos el Día de la Paz

 Como todos sabéis, el día 30 de enero celebramos el Día de la Paz, una efeméride que no podemos pasar por alto, pues es en estas edades tan tempranas donde debemos sembrar la semilla para construir un mundo mejor. Durante la jornada hemos hecho unos sencillos talleres el que construimos una paloma de la paz con una cuchara, el símbolo de la paz y, después, hemos hecho un mural colaborativo entre todos que nos ha quedado chulísimo. Aquí os dejamos unas fotos de la actividad.