L'actividá d'esti mes del proyectu "Vivencies" foi guapa y bien prestosa. Fuimos a poner a puntu la güerta de los Residentes. Ficimos tres equipos y mentantu unos semaben nos semilleros, otros diben preparando les plantes que'l siguiente equipu diba plantar na güerta que previamente palotiemos pa facer los riegos.
Una xornada bien prestosa y cooperativa. Equí tenéis un vidiu coles semeyes de la xornada. ¡Qué vos preste!
Como vien siendo costume, a piques de garrar vacaciones de Selmana Santa, facemos la gymkana de Pascua, una competición bien llambiona. Por equipos dividímonos pela escuela p'atopar, nel menor tiempu posible, un garrapiellu güevos de chocolate. Si queremos llambiar, primero hai qu'agudizar l'inxeniu. Equí tenéis unes semeyes del xuegu.
Pa poner el ramu a les actividaes del Antroxu, nun sé nos ocurrió meyor manera que... ¡facer unos frixuelinos!
Amanda, la mayestra de Llingua, esplicónos la receta y nós per equipos, punxímonos manes a la masa. La verdá que mos quedaron perbonos. ¡Tamos fechos un@s cocinerin@s!
Esta selmana visitáronnos Leticia y Gaspar colos sos Cuentos de Malera, pa cuntanos a través de marionetes, una lleenda Bereber, la hestoria de Sheina, una muyer fuerte que decide marchar de la so tierra pa poder vivir llibre ensin que naide la xulgue nin la faga sintir mal. Darréu, l@s neñ@s pudieron fabricar les sos propies marionetes con materiales naturales y teles africanes, asina como los decoraos y les casines pa poder facer los sos propios teatrinos. Tuvo bien prestosa la xornada. Equí vos dexamos unes semeyes del día.
Na actividá correspondiente al mes de xineru del Proyeutu Interxeneracional Vivencies tocó-yos a l@s Residentes facemos una visita na escuela. Aprovechemos pa facer un circuitín de xuegos tradicionales, de los que xugaron ell@s cuando fueron pequeñ@s y qu'inda hoi tienen presencia, anque ca vez menos. Los equipos formaos por neñ@s y residentes fixo l'actividá muncho más inclusiva, adautándose a tolos ritmos de los integrantes pa poder esfrutar toos por igual.
Siguimos compartiendo tiempu, siguimos compartiendo Vivencies.
Esti añu, siguimos cola temática "De Cine" y pal Antroxu y escoyimos una película bien prestosa que fala de les emociones y lo importantes que son toes elles pa una bona salú mental: "Del Revés". Ca aula antroxamos d'una emoción: Infantil de Mieu; 1º y 2º d'Ira; 3º y 4º d'Alegría: 5º y 6º d'ascu; y l@s nen@s de la escuelina de Bello de tristeza.
Tuvimos un garrapiellu d'actividaes temátiques sobre les emociones, una chocolatada con churros y, como non, un desfile pel pueblu pa lucir el mazcaritu.
Equí vos dexamos unes semeyes de la celebración. ¡Qué vos preste!
